*សេចក្តីរាយការណ៍សង្ខេបមួយ មុននេះបន្តិច ពីច្រកទ្វារអន្តរជាតិចាំយាម ខេត្តកោះកុងមកថា ក្នុងសបា្តហ៍នេះ មានម៉ូតូថ្មីគ្រប់ប្រភេទ បាននាំចូលពីប្រទេសថៃយ៉ាងរលូន ដឹកតាមរថយន្តថៃមកទម្លាក់នៅហួសច្រកទ្វារបន្តិចដូចធម្មតា ។
*សេចក្តីរាយការណ៍ដដែលប្រាប់ថា ក្នុងសបា្តហ៍នេះ គេនាំចូលបានជាង២០០គ្រឿង ដែលក្នុងសបា្តហ៍មុន មានតែជាង១០០គ្រឿងប៉ុណ្ណោះ គឺនាំចូលកើនឡើងមួយជាពីរ ។
*ពេលសួរថា តើក្រុមហ៊ុនមួយណានាំចូលនោះ ទទួលបានចម្លើយថា ជាក្រុមហ៊ុនចម្រុះមួយដែលពីមុនមក នាំចូលមានឈ្មោះក្រុមហ៊ុនផ្សេងៗគ្នា ។ ពេលនេះ រួមគ្នានាំចូល កុំឱ្យពិបាកទាស់គ្នា ។
*គ្មានមន្ត្រីគយណាម្នាក់ហ៊ាននិយាយទេ ពេលកោះសន្តិភាពសួរនាំពីរឿងបរិមាណនៃការនាំចូលនេះ គេគ្រាន់តែនិយាយថា ដឹងប៉ុន្មាននិយាយប៉ុណ្ណឹងទៅ… ខ្ញុំមិនហ៊ានប្រាប់ទេ ខ្លាចមេ… ។ល។
ចែករំលែកព័តមាននេះ