ខេត្តបាត់ដំបង ៖ សេចក្តីរាយការណ៍ឱ្យដឹងថា នាវេលាម៉ោងនេះ ថ្ងៃទី១៨ វិច្ឆិកា ២០១៥ សមត្ថកិច្ចស្រុកសង្កែ បានធ្វើការប្រកាសអាសន្នឱ្យប្រជាពលរដ្ឋក្នុងឃុំរការ មានការប្រុងប្រយ័ត្នចំពោះសត្វក្របីឡើង.កមួយក្បាល ដែលកំពុងបង្កចលាចល បន្ទាប់ពីក្របីនេះ បានវ័ធមនុស្ស២នាក់ ដោយម្នាក់របួសធ្ងន់ និងម្នាក់ទៀតស្លាប់ ហើយសមត្ថកិច្ចគិតថា ក្របីនោះនឹងអាចដំណើរទៅដល់ឃុំ
រកានោះ ។
ប្រភពបានឱ្យដឹងថា ជនរងគ្រោះទាំង២នាក់ ម្នាក់ឈ្មោះជា តុត អាយុ៥៥ឆ្នាំ (រងរបួសធ្ងន់) និងម្នាក់ទៀតឈ្មោះជា តុងទីន អាយុ២០ឆ្នាំ (ស្លាប់) ទាំង២នាក់ជាឪពុក និងកូន ។ ចំណែកក្របីមិនដឹងដាច់មកពីណានោះទេ ដោយគេឃើញមានខ្សែជាប់នឹង.កផងដែរ ។
គួររំលឹកថា កាលពីថ្ងៃទី១៦ វិច្ឆិកា កន្លងមក បុរសឈ្មោះជា តុត បានទៅសារមងដោយដើរកាត់តាមព្រៃរនាម ក្នុងឃុំកំពង់ព្រះ ស្រុកសង្កែ ក៏ប្រទះជាមួយសត្វក្របីឡើង.កខាងលើនោះ ក៏វ័ធជនរងគ្រោះត្រូវធ្លាយពោះខាងស្តាំរងរបួសធ្ងន់ ហើយក្របីនោះបានរត់ចូលព្រៃរនាមវិញ រីឯជនរងគ្រោះត្រូវក្រុមគ្រួសារដឹកបញ្ជូនទៅសង្គ្រោះមន្ទីរពេទ្យភ្លាមៗ ។
ដោយកើតទុកមិនសុខចិត្ត កាលពីវេលារសៀលថ្ងៃទី១៧ វិច្ឆិកា នោះ យុវជនម្នាក់ដែលជាកូនប្រុសរបស់ជនរងគ្រោះឈ្មោះជា តុងទីន ក៏បានចូលទៅព្រៃរនាម ដើម្បីរកក្របីដែលបានវ័ធឪពុកចាប់ទៅឱ្យសមត្ថកិច្ច ហើយបានជួបក្របីមែន ក៏កៀងក្របីនោះឱ្យមកភូមិ តែចៃដន្យអាក្រក់ ត្រូវក្របីឡើង.កវ័ធត្រូវចំដោះ និងពោះខាងឆ្វេង បណ្តាលឱ្យស្លាប់ភ្លាមៗនៅក្នុងទឹកតែម្តង ។
ចែករំលែកព័តមាននេះ