ខេត្តកំពត ៖ សេចក្តីរាយការណ៍បានឱ្យដឹងបន្តទៀតថា ករណីមនុស្សឃាតមួយកើតឡើងនៅក្នុងផ្ទះដេប៉ូចែកចាយបារីសេក សាខាខេត្តកំពត ក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ត្រូវសមត្ថកិច្ចសង្ស័យថា អាចជាករណីប្លន់ ព្រោះបើតាមការ
ខេត្តកំពត ៖ សេចក្តីរាយការណ៍បានឱ្យដឹងបន្តទៀតថា ករណីមនុស្សឃាតមួយកើតឡើងនៅក្នុងផ្ទះដេប៉ូចែកចាយបារីសេក សាខាខេត្តកំពត ក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ត្រូវសមត្ថកិច្ចសង្ស័យថា អាចជាករណីប្លន់ ព្រោះបើតាមការពិនិត្យនៅក្នុងផ្ទះ គឺបានបាត់បង់ទូដែក១ និងឃើញចំរឹងដែកបង្អួចមានសភាពខុសពីធម្មតា ។ មុននេះបន្តិច! មានអំពើមនុស្សឃាតនៅដេប៉ូចែកចាយបារីសេកសាខាកំពត ប្រពន្ធស្លាប់ ប្តីរបួសធ្ងន់
ប្រភពបន្តថា បុរសជាប្តីឈ្មោះហ៊ា អាង ដែលរងរបួសធ្ងន់នោះ ត្រូវបាត់បង់ជីវិតហើយបន្ទាប់ពីបញ្ជូនទៅដល់មន្ទីរពេទ្យ ហើយត្រូវក្រុមគ្រួសារបញ្ជូនត្រឡប់មកផ្ទះវិញ ។
ប្រភពពីកូនប្រុសរបស់ជនរងគ្រោះឱ្យដឹងថា ជាធម្មតាផ្ទះឪពុក-ម្តាយខ្លួន គឺតែងតែបើកទ្វាររកស៊ីនៅម៉ោង៦ព្រឹក ។ លុះនៅថ្ងៃកើតហេតុនេះ រហូតដល់ម៉ោង០៩ព្រឹកហើយ គេមិនឃើញពួកគាត់ចេញមកបើកទ្វារផ្ទះដូចសព្វដងទេ ធ្វើឱ្យអ្នកជិតខាងមានការងឿងឆ្ងល់ ក៏បានទូរស័ព្ទប្រាប់ខ្លួន ទើបជិះម៉ូតូមកមើល និងគាស់ទ្វារចូល ស្រាប់តែឃើញម្តាយខ្លួនស្លាប់នៅលើគ្រែ និងមានឈាមប្រឡាក់ពេញពូក ។ ឯឪពុករបស់ខ្លួននៅមានដង្ហើម ក៏បញ្ជូនទៅសង្គ្រោះ តែជាអកុសល ក៏បានស្លាប់ពេលបញ្ជូនដល់មន្ទីរពេទ្យ ។ ដោយមិនដឹងថា មានរឿងអ្វី និងកើតឡើងតាំងពីពេលណានោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ