រាជធានីភ្នំពេញ ៖ តារាសម្តែង និងពិធីការិនីឯករាជ្យ នាង ឌួង ហ្ស៊ូរីដា បានធ្វើការព្រមានជាសាធារណៈថា នឹងចាត់ការទៅតាមផ្លូវច្បាប់ទៅលើបុរសម្នាក់ដែលតែងតែរំខានជីវិតផ្ទាល់ខ្លួន និងប្រើពាក្យមិនសមរម្យ
រាជធានីភ្នំពេញ ៖ តារាសម្តែង និងពិធីការិនីឯករាជ្យ នាង ឌួង ហ៊្សូរីដា បានធ្វើការព្រមានជាសាធារណៈថា នឹងចាត់ការទៅតាមផ្លូវច្បាប់ទៅលើបុរសម្នាក់ដែលតែងតែរំខានជីវិតផ្ទាល់ខ្លួន និងប្រើពាក្យមិនសមរម្យតាមបណ្តាញសង្គមហ្វេសប៊ុកកាលពីពេលថ្មីៗនេះ។
ការព្រមានរបស់ឌួង ហ៊្សូរីដា បានធ្វើឡើងចំពោះបុរសម្នាក់ដែលប្រើប្រាស់គណនេយ្យហ្វេសប៊ុកឈ្មោះ Bro yuth ដែលមានវ័យរាងជ្រេបន្តិច ដែលនាងអះអាងថា ជាមន្ត្រីយោធា ហើយបានផ្ញើសាមករកតារារូបនេះតាមរយៈបណ្តាញសង្គមហ្វេសប៊ុក ដោយបានប្រើប្រាស់ពាក្យសម្តីអូន បងថែមទៀតផង។
ការប្រើប្រាស់សម្តីហួសប្រមាណនេះបានធ្វើឲ្យពិធីការិនីនាង ឌួង ហ៊្សូរីដា ហាក់ក្តៅចុងច្រមុះ និងបានព្រមានចាត់វិធានការតាមផ្លូវច្បាប់មួយ ប្រសិនបើបុរសរូបនេះមិនព្រមបញ្ឈប់ទង្វើនេះ ខណៈពេលដែលរូបនាងបានព្យាយាមឲ្យបុរសម្នាក់នេះបញ្ចប់ទង្វើនេះម្តងជាពីរដងរួចមក។
ក្នុងសារមួយដែលឌួង ហ៊្សូរីដា បានសរសេរនៅក្នុងគណនេយ្យហ្វេសប៊ុកនាងឆ្លើយតបទៅកាន់បុរសម្នាក់នោះ ដែលមានន័យថា «សូមប្រកាស និងជំរាបជូនដល់Fan ទាំងអស់ឲ្យបានជ្រាបថា បើឃើញរូបបុរសម្នាក់នេះ (Bro Yuth / Vi Chey / Kiry Buphata) Add ឬ Comment សូមប្រុងប្រយត្ន័ ព្រោះពូម្នាក់នេះប្រហែលជាកើតរោគចិត្ត ចូលចិត្តសរសេរមមើមមាយម្នាក់ឯង និងរំខានដល់គ្រប់ Account ឲ្យតែមានឈ្មោះ ឌួង ហ្សូរីដា ឬDuong Zorida បើទោះជាយើង ធ្វើការ Block គាត់អស់ជាច្រើន Account ហើយក្តី តែគាត់នៅតែបន្តបង្កើតជាឈ្មោះផ្សេងៗជាច្រើនទៀត ដើម្បីលេងជាមួយនាងខ្ញុំ » ។
នាងបញ្ជាក់ថា «កន្លងមកយើងក៏ធ្លាប់សំណូមពរឱ្យគាត់ឈប់ធ្វើអំពើបែបហ្នឹង ប៉ុន្តែគាត់នៅតែបន្តទង្វើរោគចិត្តនេះ ហើយCall មកទូរសព្ទ័ហាងកាត់ដេរ មករកហ្សូរីដាទៀត.! ។ សូមជំរាបថា នេះជាការព្រមានលើកទី២ តាមរយៈសង្គម Facebook នេះ ហើយបើពូនៅតែមិនបញ្ឈប់ការChat Inbox និយាយនូវពាក្យមិនគប្បីមួយចំនួន (ប្រើភាសាដូចហ្សូរីដា គឺជាប្រពន្ធ/សង្សារ) របស់ខ្លួន ពូនឹងត្រូវប្រឈមមុខច្បាប់ ..! ហើយឈប់យករូបថតខ្ញុំ ទៅបង្កើត Account Facebook ដទៃទៀត ដើម្បីChat ជាមួយអ្នកនេះអ្នកនោះ..!»។
ឌួង ហ៊្សូរីដា ក៏បានអំពាវនាវថា «បើអ្នកណាស្គាល់ ក្រុមគ្រួសារ ប្រពន្ធ កូន ចៅ ពូម្នាក់នេះ បំរើការក្នុងជួរកងទព័ ខាងខេត្តកំពង់ស្ពឺ សូមជួយប្រាប់គាត់ឲ្យប្រៀនប្រដៅ និងអូសទាញពូម្នាក់នេះផង គាត់ចាស់ហើយ ធ្វើចរិតថ្លៃថ្នូរតិចទៅ ក្នុងនាមជាអ្នកការពារទឹកដីជូនជាតិ កុំឲ្យខូចឈ្មោះដល់ទាហានដទៃទៀត.! ខ្ញុំដឹងថា ការបង្ហោះរបស់ខ្ញុំ អាចនឹងជះឥទ្ធិពលដល់ការបាត់បង់ការងារ ឬក៏ទទួលរងការអាម៉ាស់ខ្លាំងសំរាប់គាត់ និងក្រុមគ្រួសារគាត់ ប៉ុន្តែខ្ញុំ និងក្រុមគ្រួសារខ្ញុំធ្លាប់ចរចា និងសុំឲ្យគាត់បញ្ឈប់ជាច្រើនដងហើយ ប៉ុន្តែគាត់នៅតែព្យាយាមផ្គើន ហើយនៅតែបន្តសកម្មភាពដដែល ។ ទង្វើនេះវាជិះឥទ្ធិពលអាក្រក់ និងប៉ះពាល់កិត្តិយសក្នុងនាមជាសិល្បការិនី និងជាស្ត្រីខ្មែរមួយរូបក្នុងសង្គមអាចឲ្យយល់ច្រលំដោយប្រការផ្សេងៗ..!»។
ជាការកត់សម្គាល់ នេះមិនមែនជាលើកទីមួយទេសម្រាប់តារាសម្តែង និងពិធីការិនីរូបស្រស់នាង ឌួង ហ៊្សូរីដា ដែលបានជួបបញ្ហាមួយនេះ។ គេនៅចាំបានថា កន្លងមកតារារូបនេះក៏ត្រូវបាននារីម្នាក់តាមរំខានផងដែរ ដែលនាងចាត់ទុកនារីម្នាក់នោះគឺជាអ្នកគាំទ្រយ៉ាងងប់ងល់ម្នាក់ ហើយទំនងជានារីដែលស្រឡាញ់ភេទដូចគ្នាផងដែរ។ ប៉ុន្តែទោះជាយ៉ាងណាបញ្ហានេះបានស្ងប់ស្ងាត់ទៅវិញ បន្ទាប់ពីនាងបានព្រមានចាត់វិធានការច្បាប់ដូចគ្នានេះ។
ទាំងនេះមិនមែនជារឿងចម្លែកឡើយសម្រាប់តារាដែលមានរូបឆោមល្អស្រស់ដូច ឌូង ហ៊្សូរីដា ដែលមានអ្នកតាមស្រឡាញ់រាប់មិនអស់ ខណៈពេលដែលរហូតមកដល់ពេលនេះនាងនៅមិនទាន់បង្ហាញមុខគូស្នេហ៍ និងចូលរោងការដូចតារាឯទៀតនៅឡើយ បើទោះបីជាពេលនេះនាងមានអាយុកាន់តែវិវឌ្ឍន៍ទៅមុខហើយក៏ដោយ៕
ចែករំលែកព័តមាននេះ