រាជធានីភ្នំពេញ ៖ ក្មេងប្រុស២នាក់ ត្រូវបានសមត្ថកិច្ចធ្វើការស្រាវជ្រាវ និងឃាត់ខ្លួនបាន កាលពីវេលាម៉ោង១០ព្រឹកថ្ងៃទី០៣ វិច្ឆិកា ២០១៥ នេះ ស្ថិតនៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ បន្ទាប់ពីមានពាក្យបណ្តឹងរបស់ព្រះសង្ឃមួយអង្គ គង់នៅវត្តមង្គត់បុរី ប្តឹងពីបទលួចលុយចំនួន២៥០០ដុល្លារ ដែលជាលុយសម្រាប់រៀបចំអង្គកឋិនទាន ។
រាជធានីភ្នំពេញ ៖ ក្មេងប្រុស២នាក់ ត្រូវបានសមត្ថកិច្ចធ្វើការស្រាវជ្រាវ និងឃាត់ខ្លួនបាន កាលពីវេលាម៉ោង១០ព្រឹកថ្ងៃទី០៣ វិច្ឆិកា ២០១៥ នេះ ស្ថិតនៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ បន្ទាប់ពីមានពាក្យបណ្តឹងរបស់ព្រះសង្ឃមួយអង្គ គង់នៅវត្តមង្គត់បុរី ប្តឹងពីបទលួចលុយចំនួន២៥០០ដុល្លារ ដែលជាលុយសម្រាប់រៀបចំអង្គកឋិនទាន ។
ប្រភពបានឱ្យដឹងថា ក្មេងប្រុសទាំង២នាក់ ម្នាក់ឈ្មោះកែ ទិពិ អាយុ១២ឆ្នាំ និងម្នាក់ទៀតឈ្មោះភេទ ភក្តី អាយុ១៤ឆ្នាំ ទាំង២នាក់មានទីលំនៅកន្លែងឃាត់ខ្លួនខាងលើ និងជាកូនសិស្សលោកក្នុងវត្តខាងលើផងដែរ ។ ចំណែកឯព្រះសង្ឃមានព្រះនាម ឈឹម សុន ព្រះជន្ម៩០ព្រះវស្សា គង់នៅវត្តមង្គត់បុរី ស្ថិតនៅតាមបណ្តោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ ។
ប្រភពបន្តថា កាលពីវេលាម៉ោង១០យប់ថ្ងៃទី០២ វិច្ឆិកា ក្មេងប្រុសទាំង២នាក់បានទៅវត្តមង្គត់បុរីខាងលើ ជួបព្រះអង្គឈឹម សុន នៅក្នុងវិហារ ដោយទាំង២នាក់បានទៅច្របាច់ដៃច្របាច់ជើងរហូតដល់ព្រះអង្គសិង្ហ ។ លុះសិង្ហបានមួយសន្ទុះ ទូរស័ព្ទព្រះអង្គក៏រោទិ៍ឡើង ព្រះអង្គក៏លើកទូរស័ព្ទនិយាយ ក៏ត្រូវក្មេងប្រុសទាំង២ឃើញទូរស័ព្ទ ក៏បានខ្ចីយកមកមើលលេង រួចក៏ប្រគល់ទៅឱ្យព្រះអង្គវិញដាក់ក្នុងស្បង់ចីវរ ប៉ុន្តែពេលនោះព្រះអង្គដាក់ខុសក៏ជ្រុះពីដៃ ហើយត្រូវក្មេងប្រុសខាងលើយកទៅដាក់ក្នុងស្បង់ជំនួស ក៏ប៉ះលុយក្នុងស្បង់នោះ ហើយបានលួចលុយនោះគេចខ្លួនតែម្តង។
ប្រភពបន្តទៀតថា លុះនៅព្រឹកថ្ងៃទី០៣ វិច្ឆិកា ក៏មានការភ្ញាក់ផ្អើលរហូតស្រាវជ្រាវឃាត់ខ្លួនក្មេងប្រុសទាំង២នាក់ ដោយពួកគេភាពថា ពិតជាបានលួចលុយចំនួន២៥០០ដុល្លារនោះមែន ដោយដកលុយនោះទិញទូរស័ព្ទអាយហ្វូន៥មួយគ្រឿង និងយកលុយទៅលេងហ្គេម ហើយដកមួយចំនួនទៀតប្រគល់ឱ្យមនុស្សម្នាក់ទៀត ។
បន្ទាប់ពីឃាត់ខ្លួន សមត្ថកិច្ចដកហូតបានលុយចំនួន៦៣១ដុល្លារ, លុយខ្មែរចំនួន៩ម៉ឺនរៀល និងទូរស័ព្ទអាយហ្វូន៥មួយគ្រឿងមកវិញដែរ ។
ចែករំលែកព័តមាននេះ