រាជធានីភ្នំពេញ ៖ មានការភ្ញាក់ផ្អើលមួយកើតឡើងនៅមុននេះបន្តិច បន្ទាប់ពីស្ត្រីម្នាក់បានព្យាយាមឃាត់រថយន្តឡិចស៊ីស៤៧០មួយគ្រឿងឱ្យឈប់ តែរថយន្តនោះមិនព្រមឈប់ទេ បានបើកបំបុករុលទៅមុខថែមទៀត ធ្វើឱ្យស្ត្រីនោះប៊ិះត្រូវរថយន្តកិន ហើយនាងបានព្យាយាមឡើងលើរថយន្ត និងយកជើងវាយបំបែកកញ្ចក់ថែមទៀត ដែលហេតុការណ៍នេះកើតឡើងកាលពីវេលាម៉ោង០២
រាជធានីភ្នំពេញ ៖ មានការភ្ញាក់ផ្អើលមួយកើតឡើងនៅមុននេះបន្តិច បន្ទាប់ពីស្ត្រីម្នាក់បានព្យាយាមឃាត់រថយន្តឡិចស៊ីស៤៧០មួយគ្រឿងឱ្យឈប់ តែរថយន្តនោះមិនព្រមឈប់ទេ បានបើកបំបុករុលទៅមុខថែមទៀត ធ្វើឱ្យស្ត្រីនោះប៊ិះត្រូវរថយន្តកិន ហើយនាងបានព្យាយាមឡើងលើរថយន្ត និងយកជើងវាយបំបែកកញ្ចក់ថែមទៀត ដែលហេតុការណ៍នេះកើតឡើងកាលពីវេលាម៉ោង០២ និង២០នាទីរសៀលថ្ងៃទី០៩ តុលា ២០១៥ ស្ថិតនៅចំណុចផ្លូវសហព័ន្ធរុស្ស៊ី ក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។
ប្រភពបានឱ្យដឹងថា ស្ត្រីដែលផ្ទុះហិង្សានោះត្រូវបានស្គាល់ឈ្មោះហាំ ស្រីនង អាយុ៣៤ឆ្នាំ មានកូន៣នាក់ (ស្រី២ ប្រុស១) ជិះម៉ូតូម៉ាកស្គូពី ពណ៌ក្រហម (អត់ដឹងស្លាកលេខ) ។ ចំណែកអ្នកជិះក្នុងរថយន្តនោះត្រូវគេដឹងថា ជាមន្ត្រីប៉េអឹមផ្កាយ២ម្នាក់ នៅទីបញ្ជាការកងរាជអាវុធហត្ថផ្ទៃប្រទេស ដោយឃើញមាននារីម្នាក់ទៀតជិះក្នុងរថយន្តនោះដែរ តែបានបើកទ្វាររត់ចុះពីលើរថយន្តបាត់ និងមានតៃកុងបើករថយន្តឱ្យ ។
បើតាមស្ត្រីរូបនោះអះអាងថា រូបគាត់និងមន្ត្រីផ្កាយ២នោះ បានយកគ្នារយៈពេល១០ឆ្នាំមកហើយ តែមិនបានរៀបការត្រឹមត្រូវនោះទេ។ ពួកគេមានកូនជាមួយគ្នាដល់ទៅ៣នាក់ ។ ស្ត្រីនោះបន្តថា បុរសជាមន្ត្រីផ្កាយ២នោះ ធ្លាប់បានសន្យាជាមួយគាត់ថា កុំរករឿងដេញដោលអី ចាំគេប្រគល់រថយន្តឡិចស៊ីស៤៧០មួយគ្រឿង និងប្រាក់ចំនួន៤ម៉ឺនដុល្លារ តែចាំគាត់ត្រឡប់មកពីប្រទេសវៀតណាមសិន ។
លុះនៅវេលាម៉ោងកើតហេតុ ខណៈគាត់កំពុងដឹកកូនទាំង៣នាក់ដើរលេងតាមផ្លូវ ស្រាប់តែប្រទះឃើញរថយន្តលោកនោះ គាត់ក៏ឈប់ម៉ូតូរត់ដេញតាមឱ្យឈប់ ដើម្បីនិយាយឱ្យដឹងរឿង ។ តែរថយន្តនោះមិនបានឈប់ទេ ទើបធ្វើឱ្យរូបនាងខឹងសម្បារវាយបំបែកកញ្ចក់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ