ខេត្តតាកែវ ៖ សេចក្តីរាយការណ៍បានឱ្យដឹងថា បុរសម្នាក់ធ្វើការនៅមន្ទីរសុខាភិបាលខេត្តតាកែវបានស្លា.ប់យ៉ាងអាណោចអាធ័ម ខណៈពេលស្រវឹងស្រាជិះម៉ូតូធ្លាក់ចូលប្រឡាយទឹកនៅតាមផ្លូវជាតិលេខ២
ខេត្តតាកែវ ៖ សេចក្តីរាយការណ៍បានឱ្យដឹងថា បុរសម្នាក់ធ្វើការនៅមន្ទីរសុខាភិបាលខេត្តតាកែវបានឈ្លក់ទឹកស្លាប់យ៉ាងអាណោចអាធ័ម ខណៈពេលស្រវឹងស្រាជិះម៉ូតូធ្លាក់ចូលប្រឡាយទឹកនៅតាមផ្លូវជាតិលេខ២ ចន្លោះគីឡូម៉ែត្រលេខ៦៩-៧០ ស្ថិតក្នុងភូមិព្រៃព្រំ សង្កាត់រកាក្នុង ក្រុងដូនកែវ។
ហេតុការណ៍នេះបានកើតឡើងតាំងពីយប់ថ្ងៃទី៨ តុលា តែទើបតែមានការភ្ញាក់ផ្អើលដោយសារប្រជាពលរដ្ឋប្រទះឃើញកាលពីវេលាម៉ោង៦ព្រឹក ថ្ងៃទី៩ តុលា នេះ។
តាមក្រុមគ្រួសារសពបានឱ្យដឹងថា ជនរងគ្រោះឈ្មោះផាប់ គឹមសាន ភេទប្រុស អាយុ៤៨ឆ្នាំ ធ្វើការនៅមន្ទីរសុខាភិបាលខេត្តតាកែវ រស់នៅភូមិថ្មស ឃុំពោធិ៍ ស្រុកបុរីជលសា តែបានមកជួលផ្ទះស្នាក់នៅក្នុងភូមិកើតហេតុខាងលើ។
តាមសាក្សីនៅក្បែរកន្លែងកើតហេតុបានឱ្យដឹងថា មុនពេលកើតហេតុវេលាម៉ោងចន្លោះពី៩ទៅ១០យប់ គេបានឭសូរសម្លេងដួលម៉ូតូដែរ តែអត់មានអ្នកណាចាប់អារម្មណ៍ លុះព្រឹកឡើងម៉ោង៦ព្រឹកទើបមានការភ្ញាក់ផ្អើលប្រទះឃើញសពបុរសម្នាក់ក្នុងប្រឡាយទឹក រួមជាមួយម៉ូតូម៉ាកស្មាស់វី ស៊េរី០១៣ ពាក់ស្លាកលេខ១G2797 តែម្តង។
បន្ទាប់ពីភ្ញាក់ផ្អើលឃើញសពហើយ ប្រជាពលរដ្ឋបានរាយការណ៍ទៅសមត្ថកិច្ចឱ្យចុះមកអន្តរាគមន៍ រួចទាក់ទងសាច់ញាតិមកទទួលយកសពទៅធ្វើបុណ្យតាមប្រពៃណី៕
ចែករំលែកព័តមាននេះ