រាជធានីភ្នំពេញ ៖ នារីម្នាក់ទើបតែចូលធ្វើការបានមួយថ្ងៃនៅហាងម៉ាហ្សាមួយកន្លែងយីហោ «១៦៨» ក៏មានការភ្ញាក់ផ្អើលថា បាត់លុយបុគ្គលិកម៉ាហ្សាដូចគ្នាអស់ចំនួន៣០ម៉ឺនរៀល ថែមទាំងបង្កហិ.ង្សាវាយគ្នាផ្អើលពេញហាង ។
រាជធានីភ្នំពេញ ៖ នារីម្នាក់ទើបតែចូលធ្វើការបានមួយថ្ងៃនៅហាងម៉ាហ្សាមួយកន្លែងយីហោ «១៦៨» ក៏មានការភ្ញាក់ផ្អើលថា បាត់លុយបុគ្គលិកម៉ាហ្សាដូចគ្នាអស់ចំនួន៣០ម៉ឺនរៀល ថែមទាំងបង្កហិង្សាវាយគ្នាផ្អើលពេញហាង ។
ហេតុការណ៍នេះកើតឡើងកាលពីវេលាម៉ោង៦ល្ងាចថ្ងៃទី០៨ តុលា ២០១៥ ស្ថិតនៅចំណុចហាងម៉ាហ្សាមួយកន្លែងយីហោ១៦៨ ក្នុងភូមិកគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
នារីដែលទើបចូលធ្វើការនោះមិនបានប្រាប់ឈ្មោះ និងទីកន្លែងស្នាក់ទេ (ពាក់អាវពណ៌ក្រហមដៃខ្លី) ។ ចំណែកជនរងគ្រោះឈ្មោះ រតនា អាយុ១៩ឆ្នាំ ស្នាក់នៅក្នុងហាងម៉ាហ្សា (ពាក់អាវពណ៌ខ្មៅ) ។
តាមប្រភពពីម្ចាស់ហាងម៉ាហ្សាឈ្មោះស្រីលីន ដែលនៅកន្លែងកើតហេតុបានឱ្យដឹងថា នៅមុនពេលកើតហេតុ កាលពីថ្ងៃទី០៧ មាននារីម្នាក់បានមកសុំចូលធ្វើការនៅហាងម៉ាហ្សារបស់គាត់ ដោយមិនទាន់បានស្គាល់ឈ្មោះ និងទីកន្លែងស្នាក់នៅឡើយ ដោយព្រមឱ្យចូលធ្វើការថ្ងៃដំបូង ។ លុះពេលរសៀលបន្តិច ម្ចាស់លុយជាអ្នករងគ្រោះបានឃើញនារីម្នាក់នោះ ដើរសំដៅទៅទីកន្លែងដែលជនរងគ្រោះបានដាក់របស់របរ និងទ្រព្យសម្បត្តិ ដែលជាកន្លែងម៉ាហ្សារបស់ភ្ញៀវ ។
មួយសន្ទុះ ក៏ស្រាប់តែឃើញនារីសង្ស័យម្នាក់នោះរត់ចេញពីកន្លែងរបស់នារីជនរងគ្រោះ ចេញទៅក្រៅបាត់ស្រមោល ។ ប៉ុន្តែនារីជាជនរងគ្រោះ ក៏មិនបានចាប់អារម្មណ៍ថាចូលទៅធ្វើអ្វីដែរ លុះមកដល់វេលាម៉ោង៦ល្ងាច ក៏ស្រាប់តែនារីរងគ្រោះបានស្រែកឆោឡោថា បានបាត់លុយអស់រលីងនៅក្នុងកូនជ្រូកសន្សំលុយ ដោយនៅសល់តែកូនជ្រូកប្រហោងពោះតែប៉ុណ្ណោះ ។
ក្រោយមក ក៏មានការសង្ស័យទៅលើនារីម្នាក់ដែលទើបតែចូលធ្វើការថ្មីថា បានចូលទៅកន្លែងរបស់គេ និងបានវាយបំបែកពោះកូនជ្រូកដីរួចយកលុយសន្សំរបស់នារីរងគ្រោះអស់ចំនួន៣០ម៉ឺនរៀល ។ លុះមកដល់ថ្ងៃកើតហេតុវិញ នារីរងគ្រោះបានរង់ចាំនារីសង្ស័យត្រឡប់មកវិញ និងសួរនាំតែម្តង ។ ដោយរងចាំរហូតដល់ម៉ោង៦ល្ងាចដែល ជាម៉ោងកើតហេតុ ក៏ស្រាប់តែនារីសង្ស័យបានជិះម៉ូតូឌុបត្រឡប់មកកន្លែងម៉ាហ្សាវិញមែន រួចនារីរងគ្រោះ ក៏បានសួរនាំអំពីរឿងម្សិលមិញថា ហេតុអ្វីបានជាចូលកន្លែងម៉ាហ្សាភ្ញៀវរបស់គេ ហើយថែមទាំងបានបាត់លុយពីក្នុងកូនជ្រូកអស់រលីង?
តែនារីសង្ស័យបានបដិសេធថា មិនបានចូលទៅធ្វើអ្វីនោះទេ ហើយក៏មិនបានលួចលុយដែរ ដោយសារតែមានការចោទប្រកាន់ពីនារីម៉ាហ្សាដទៃៗ ក៏ជាហេតុធ្វើឱ្យនារីសង្ស័យកើតជាក្តីខឹងសម្បារផ្ទុះហឹង្សាវាយគ្នាជាមួយនារីរងគ្រោះ ផ្អើលពេញហាងម៉ាហ្សា ដោយមានកាហាមឃាត់ពីម្ចាស់ហាង ដើម្បីកុំឱ្យបន្តការវាយគ្នាទៀត ក៏សម្រេចនាំខ្លួននារីរងគ្រោះ និងនារីសង្ស័យទៅប៉ុស្តិ៍ ដើម្បីសុំការដោះស្រាយពីសមត្ថកិច្ច ។
ក្រោយពេលកើតនារីម៉ាហ្សាទាំងអស់ រួមនិងនារីរងគ្រោះនិងនារីសង្ស័យ បានមកដល់ប៉ុស្តិ៍នគរបាលចោមចៅ ហើយសមត្ថកិច្ចបានសួរនាំពីនារីរងគ្រោះ និងនារីសង្ស័យទាំង២នាក់ ដោយនៅតែមានការបដិសេធ និងប្រកែកគ្នាទៅវិញទៅមក ហើយនារីរងគ្រោះ ក៏គ្មានភ័ស្តុតាងទៀត ក៏មិនបានដាក់ពាក្យបណ្តឹងអ្វីដែរ គ្រាន់តែនារីរងគ្រោះបានឱ្យនារីសង្ស័យរួមនិងនារីម៉ាស្សាដទៃទៀត ធ្វើការស្បថនៅចំពោះមុខទេវតា ម្ចាស់ទឹកម្ចាស់នៃសង្កាត់ចោមចៅ ដើម្បីបញ្ចប់រឿង ។
ចែករំលែកព័តមាននេះ