ខេត្តកំពង់ស្ពឺ ៖ មុខសញ្ញាចែកចាយ និងប្រើប្រាស់ថ្នាំញៀន៥នាក់ត្រូវបាននគរបាលស្រុកឧដុង្គឃាត់ខ្លួន ខណៈធ្វើសកម្មភាពណាត់ជួបគ្នាចែកចាយ និងប្រើប្រាស់គ្រឿងញៀ.ន កាលពីវេលាម៉ោង៨ និង៣៥នាទីយប់
ខេត្តកំពង់ស្ពឺ ៖ មុខសញ្ញាចែកចាយ និងប្រើប្រាស់ថ្នាំញៀន៥នាក់ត្រូវបាននគរបាលស្រុកឧដុង្គឃាត់ខ្លួន ខណៈធ្វើសកម្មភាពណាត់ជួបគ្នាចែកចាយ និងប្រើប្រាស់គ្រឿងញៀន កាលពីវេលាម៉ោង៨ និង៣៥នាទីយប់ ថ្ងៃទី៧ តុលា ២០១៥ នៅតាមបណ្តោយផ្លូវលំ ស្ថិតក្នុងភូមិក្រាំងពន្លៃ ឃុំវាំងចាស់ ស្រុកឧដុង្គ ខេត្តកំពង់ស្ពឺ ។
នគរបាលស្រុកឧដុង្គបានឲ្យដឹងថា ជនសង្ស័យដែលត្រូវឃាត់ខ្លួនមាន ១-ឈ្មោះ កែវ ពិសី ភេទប្រុស អាយុ២២ឆ្នាំ មុខរបរមិនពិតប្រាកដ រស់នៅភូមិក្រាំងពន្លៃ ឃុំវាំងចាស់ ស្រុកឧដុង្គ ខេត្តកំពង់ស្ពឺ, ២-ឈ្មោះ ជា សុជាតិ ភេទប្រុស អាយុ៣៨ឆ្នាំ មុខរបរមិនពិតប្រាកដ រស់នៅភូមិវាំងចាស់ ឃុំវាំងចាស់ ស្រុកឧដុង្គ ខេត្តកំពង់ស្ពឺ, ៣-ឈ្មោះ ប៊ូ គីមសឿន ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅក្នុងភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ, ៤-ឈ្មោះ ដំ មករា ភេទប្រុស អាយុ២៨ឆ្នាំ មុខរបរមិនពិតប្រាកដ រស់នៅក្នុងភូមិព្រៃសំពៅ ឃុំប្រស្នឹប ស្រុករលាប្អៀរ ខេត្តកំពង់ឆ្នាំង និង៥-ឈ្មោះ សុន ស៊ុនលី ភេទប្រុស អាយុ៣៥ឆ្នាំ មុខរបរធ្វើស្រែ រស់នៅក្នុងភូមិក្រាំងពន្លៃ ឃុំវាំងចាស់ ស្រុកឧដុង្គ ខេត្តកំពង់ស្ពឺ ។
លោក ពីង ពៅ អធិការរងនគរបាលស្រុកឧដុង្គបានឲ្យដឹងថា ក្រោយពីទទួលព័ត៌មានថាមានការណាត់ជួបគ្នាដោះដូរថ្នាំញៀននៅចំណុចខាងលើ រូបលោកបានដឹកនាំកម្លាំងក្រោមឱវាទចុះឃ្លាំមើលរហូតដល់ម៉ោងខាងលើក៏ឃើញមុខសញ្ញាខាងលើមកជួបគ្នានៅចំណុចដែលឃាត់ខ្លួន ក៏ធ្វើការឆែកឆេរក្នុងខ្លួនពួកគេរកឃើញមានថ្នាំញៀន១កញ្ចប់ ។
ក្រោយឆែកឆេរកឃើញមានថ្នាំញៀននៅក្នុងខ្លួន សមត្ថកិច្ចរបស់លោកក៏បាននាំជនសង្ស័យមកកាន់អធិការដ្ឋាននគរបាលខណ្ទដើម្បីធ្វើការសាកសួរបន្ត ។ ក្នុងការឃាត់ខ្លួននេះដែរសមត្ថកិច្ចរបស់លោកដកហូតថ្នាំញៀន១កញ្ចប់ និងសម្ភារៈមួយចំនួន ។ ជនសង្ស័យទាំងអស់ត្រូវបានជំនាញកសាងសំណុំរឿងបញ្ជូនទៅកាន់ការិយាល័យប្រឆាំងគ្រឿងញៀនខេត្តដើម្បីចាត់ការបន្តតាមនីតិវិធី ៕
ចែករំលែកព័តមាននេះ