ឧត្តមសេនីយ៍ GILBERT DIENDERE មេដឹកនាំធ្វើរដ្ឋប្រហារមិនបានសម្រេចកាលពីថ្ងៃទី១៧ កញ្ញា នៅបួរគីណាហ្វាសូ ព្រមទាំងអតីតរដ្ឋមន្ត្រីការបរទេស លោក DJIBRILLBASSOLE កាលពីយប់ថ្ងៃទី៦ តុលា ទទួលការចោទប្រកាន់ពីបទបំផ្លាញសន្តិសុខរដ្ឋ ។
ប្រភពព័ត៌មានជិតដិតនឹងសំណុំរឿងនោះរាយការណ៍ថា មានបទចោទប្រកាន់១១ករណីក្នុងនោះមានបទចោទប្រកាន់ពីការបំផ្លាញសន្តិសុខរដ្ឋ ឃុបឃិតជាមួយកងកម្លាំងបរទេសដើម្បីបង្កអស្ថេរភាពផ្ទៃក្នុង ការសម្លាប់មនុស្ស ព្រមទាំងការបង្ករបួសស្នាមដោយចេតនា និងបំផ្លាញទ្រព្យសម្បត្តិទាំងឡាយដោយចេតនាត្រូវបានធ្វើប្រឆាំងមនុស្សទាំង២នាក់នោះ ។
មនុស្ស១០នាក់ស្លាប់ក្នុងពេលធ្វើរដ្ឋប្រហារ។ ឧត្តមសេនីយ៍ DIENDERE ដៃស្តាំរបស់អតីតប្រធានាធិបតីលោក BLAISE COMPAORE កាលពីថ្ងៃទី១ តុលា បានឡើងទៅតុលាការដោយខ្លួនឯងបន្ទាប់ពីគេចខ្លួនរយៈពេល២ថ្ងៃ ។
ចំណែកលោក BASSOLE អតីតមនុស្សជំនិតរបស់លោក COMPAORE ហើយជារដ្ឋមន្ត្រីការបរទេសដែលត្រូវចាប់ខ្លួនកាលពីថ្ងៃទី២៩ កញ្ញានោះ បានបដិសេធរាល់ការរួមដៃធ្វើរដ្ឋប្រហារ ៕
ចែករំលែកព័តមាននេះ