ប្រទេសជប៉ុន ៖ ការកើនឡើងនៃអត្រាប្រាក់ឈ្នួលនៅជប៉ុនថយចុះក្នុងខែសីហា កន្លងមក ចំណែកប្រាក់លើកទឹកចិត្តបន្ថែមក្នុងរដូវក្តៅនេះ បានថយចុះធៀបនឹងឆ្នាំ២០១៤ ដែលជាសញ្ញាបង្ហាញឲ្យឃើញពីការធ្វើឲ្យរុញរាចិត្តចំពោះការប្រើប្រាស់ឯកជន ដែលគួរដាក់ចេញនូវគោលនយោបាយស្ថិតក្រោមសម្ពាធក្នុងការផ្តល់ការលើកទឹកចិត្តបន្ថែម ស្របពេលដែលមានក្តីបារម្ភពីការមិនរីកចម្រើនទៅមុខ ។
អតិផរណាដែលគេបានកែសម្រួលជាមួយនឹងបៀវត្សរ៍ជាក់ស្តែងបានកើនឡើង០,២%ពីមួយឆ្នាំទៅមួយឆ្នាំ ដែលថយចុះពីកំណើន០,៥%ក្នុងខែកក្កដា ស្របពេលដែលតម្លៃបៀវត្សរ៍ នាមករណ៍ កើនឡើងតាមអាហារ និងរបស់របរប្រើប្រាស់ចាំបាច់ប្រចាំថ្ងៃដែលធ្វើឲ្យប៉ះពាល់ដល់អំណាចទិញនៅតាមខ្នងផ្ទះ ។
មន្ត្រីក្រសួងការងារបានថ្លែងថា ការបង់ប្រាក់ ជាពិសេសការផ្តល់ប្រាក់លើកទឹកចិត្តរដូវក្តៅដ៏ច្រើនលើសលប់បានកើនឡើង០,៦% ប៉ុន្តែការទូទាត់ឬបង់ប្រាក់ក្នុងអំឡុងពេលនៃការផ្តល់ប្រាក់លើកទឹកចិត្តនៅចន្លោះខែមិថុនា និងសីហា គឺមានកម្រិតទាបជាងឆ្នាំទៅ៣,៤% ។
ទិន្នន័យនេះដែរគឺផ្អែកតាមសន្ទស្សន៍នៃក្រុមចម្រុះកាលពីសប្តាហ៍មុន ដែលរាប់បញ្ចូលការធ្លាក់ចុះគួរឲ្យភ្ញាក់ផ្អើលនៅក្នុងទិន្នន័យរោងចក្រផលិតកម្ម ក៏ដូចជាកំណើននៃការចំណាយច្រើនជាងការរំពឹងទុកនៅតាមខ្នងផ្ទះ ការកត់សម្គាល់នៃការរើបឡើងវិញនៃសេដ្ឋកិច្ចពីភាពរួញខ្លីកាលពីត្រីមាសទី២ ។
អត្រាប្រាក់ឈ្នួលត្រូវបានគេមើលឃើញពីសារសំខាន់ចំពោះការបង្កើតឡើងនូវខួបនៃកំណើនប្រកបដោយភាពវិជ្ជមាន ជាពិសេស ស្របពេលដែលអ្នកដាក់ចេញនូវគោលនយោបាយដែលជាក្តីរំពឹងរបស់បណ្តាក្រុមហ៊ុននានានឹងចំណាយលើការចុះបញ្ជីប្រាក់កម្រៃលើការវិនិយោគ និងប្រាក់បៀវត្សរ៍ ហើយថែមទាំងជួយជំរុញនូវការប្រើប្រាស់ឯកជនដែលស្មើនឹង៦០%នៃប្រទេសសេដ្ឋកិច្ចធំបំផុតទី៣លើពិភពលោកមួយនេះ ។
លោក Makoto Watanabe សេដ្ឋវិទូជាន់ខ្ពស់របស់ BNP Paribas Securities បានថ្លែងថា ៖«ទិន្នន័យបង្ហាញថាចំណូលរបស់ប្រជាពលរដ្ឋតាមខ្នងផ្ទះកំពុងតែប្រសើរឡើងបន្តិចម្តងៗ ។ រីឯប្រាក់ឈ្នួលមិនទាន់មានកម្លាំងរឹងមាំគ្រប់គ្រាន់នៅឡើយទេនៅក្នុងការជំរុញការប្រើប្រាស់ »។
មួយវិញទៀត « បើទោះជាកម្រៃនៃសាជីវកម្មកំពុងតែកើនឡើងយ៉ាងណាក្តី ក៏បណ្តាក្រុមហ៊ុននានា នឹងបង្កើនការប្រុងប្រយ័ត្នអំពីការជំរុញបង្កើនបៀវត្សរ៍ ក៏ដូចជាប្រាក់លើកទឹកចិត្តនៅរដូវត្រជាក់ ស្របពេលដែលសេដ្ឋកិច្ចមានដំណើររអាក់រអួលដែលគួបផ្សំនឹងចក្ខុវិស័យកំណើនមិនមានភាពជាក់លាក់នោះ » ។
ការស្ទាបស្ទង់ពីភាពឋិតថេរដែលធនាគារជប៉ុនអាចសម្រួលគោលនយោបាយបន្ថែមនៅក្នុងការពិនិត្យមើលឡើងវិញនៃគោលនយោបាយទាំងសប្តាហ៍នេះឬចុងខែនេះ ជាពិសេសដូចជាហានិភ័យនៃការលេចចេញកាន់តែធំឡើងនៃការមិនរីកចម្រើន ប្រសិនជាវាកើតឡើងនឹងកាន់តែពន្យារពេលដល់ការរើបឡើងវិញនៅក្នុងវិស័យសេដ្ឋកិច្ចថែមទៀត ។
លោក Watanabe បានថ្លែងថា ធនាគារកណ្តាលគឺទំនងជានឹងប្រកាន់ខ្ជាប់នូវសេចក្តីសម្រេចលើផែនការចំណាយមូលធនរឹង(មិនប្រែប្រួល) និងការធ្វើឲ្យប្រសើរឡើងនូវចន្លោះប្រហោងនៃទិន្នផលដែលគេសង្កេតឃើញមាននៅក្នុងប្រព័ន្ធស្ទាបស្ទង់ Tankan ដែលបានចេញផ្សាយកាលពីសប្តាហ៍មុន ។
អ្នកវិភាគមួយចំនួនលើកឡើងថា ទិន្នន័យនៃកំណើនប្រាក់ឈ្នួលទន់ខ្សោយគឺដោយសារតែស្ថិតក្នុងផ្នែកមួយនៃការប្រែប្រួលក្នុងទិន្នន័យដែលគេបានជ្រើសយកធ្វើជាគំរូកាលពីដើមឆ្នាំនេះ ដែលវាបានបង្កើនទម្ងន់នៅលើវិស័យដូចជា អ្នកលក់រាយនិងអ្នកលក់ដុំដែលបង់ថ្លៃចំណាយទៅតាមបៀវត្សរ៍ និងប្រាក់លើកទឹកចិត្តកម្រិតទាបជាងមុន។
ទោះជាយ៉ាងណាបណ្តាក្រុមហ៊ុនជាច្រើនជាពិសេសក្រុមហ៊ុនខ្នាតតូចមានការស្ទាក់ស្ទើរនៅក្នុងការជំរុញបង្កើនប្រាក់ឈ្នួលដើម្បីចៀសវាងកត់សម្គាល់ពីការកើនឡើងនៅក្នុងការចំណាយរបស់សព្វបែបយ៉ាងរបស់ពលករ ៕
ចែករំលែកព័តមាននេះ