រាជធានីភ្នំពេញ ៖ បុរសម្នាក់ស្រវឹងស្រាបើករថយន្តទៅមុខលែងរួចឈប់រថយន្តនៅកណ្តាលផ្លូវដេកលង់លក់ ស្រាប់តែមានជនឆ្លៀតឱកាសបើកទ្វាររថយន្តប្រមូលរបស់របរមានតម្លៃ និងដោះខ្សែ.កមួយខ្សែយកទៅបាត់ កាលពីវេលាម៉ោង០២រំលងអធ្រាត្រថ្ងៃទី៥ តុលា ២០១៥ ស្ថិតនៅតាមបណ្ដោយមហាវិថីម៉ៅសេងទុង ក្បែរស្តុបផ្សារដើមគរ សង្កាត់ផ្សារដើមគរ ខណ្ឌទួលគោក ។
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តទៅមុខលែងរួចឈប់រថយន្តនៅកណ្តាលផ្លូវដេកលង់លក់ ស្រាប់តែមានជនឆ្លៀតឱកាសបើកទ្វាររថយន្តប្រមូលរបស់របរមានតម្លៃ និងដោះខ្សែ.កមួយខ្សែយកទៅបាត់ កាលពីវេលាម៉ោង០២រំលងអធ្រាត្រថ្ងៃទី៥ តុលា ២០១៥ ស្ថិតនៅតាមបណ្ដោយមហាវិថីម៉ៅសេងទុង ក្បែរស្តុបផ្សារដើមគរ សង្កាត់ផ្សារដើមគរ ខណ្ឌទួលគោក ។
ប្រភពបានឱ្យដឹងថា មុនពេលកើតហេតុ រថយន្តមួយគ្រឿងម៉ាកតូយ៉ូតាព្រូស ពណ៌.ស ពាក់ស្លាកលេខភ្នំពេញ 2AF 0385 បើកបរបុរសម្នាក់វ័យជាង២០ឆ្នាំ ក្នុងស្ថានភាពស្រវឹងជោកជាំ ធ្វើដំណើរតាមមហាវិថីម៉ៅសេទុងពីជើងទៅត្បូង បើកឆ្លងកាត់ស្តុបផ្សារដើមគរបានប្រមាណ៣០ម៉ែត្រ ស្រាប់តែរថយន្តឈប់នៅកណ្តាលផ្លូវដោយសារតែអ្នកបើកបរស្រវឹងខ្លាំងពេកបើកទៅមុខលែងរួច បានឈប់ដេកលង់លក់នៅកណ្តាលផ្លូវ ។
ប្រភពដដែលបន្តទៀតថា បន្ទាប់ពីឈប់រថយន្តដេកហើយមានជនឆ្លៀតឪកាសម្នាក់បានជិះម៉ូតូមួយគ្រឿងមកក្រឡឹងជុំវិញរថយន្តហើយបានជិះចេញទៅបាត់ ។ លុះមួយសន្ទុះក្រោយមកជនឆ្លៀតឪកាសខាងលើបានជិះម៉ូតូត្រឡប់មកវិញបានឈប់ម៉ូតូនៅពីក្រោយរថយន្តហើយបានបើកទ្វាររថយន្តដែលអត់ឡុកសោចូលទៅប្រមែប្រមូលរបស់របរមានតម្លៃនៅក្នុងរថយន្តនិងបានចាប់ដោះខ្សែកអ្នកបើករថយន្តមួយខ្សែយកទៅទៀត បម្រុងនឹងដោះយកចិញ្ចៀនមួយវង់ទៀត ប៉ុន្តែឃើញមានអ្នកឃើញក៏បានដោះតែខ្សែ.កនិងយករបស់របរនោះជិះម៉ូតូចេញទៅបាត់ ក៏អ្នកបើកបររថយន្តនៅតែអត់ដឹងខ្លួន ។
បន្ទាប់ពីជនឆ្លៀតឱកាសយករបស់របរចេញទៅបាត់ហើយ អ្នកឃើញហេតុការណ៍បាននាំគ្នាហៅម្ចាស់រថយន្តឱ្យដឹងខ្លួន ក្រោយមកម្ចាស់រថយន្តក៍ដឹងខ្លួនហើយបានបើករថយន្តចេញទៅបាត់ទាំងមិនបានដឹងថាចោរលួចយករបស់របរទៅបាត់អស់ទេ ៕
ចែករំលែកព័តមាននេះ