រាជធានីភ្នំពេញ ៖ រថយន្តបែនដឹកដី១គ្រឿងបានបើកចេញពីផ្លូវលំឡើងមកផ្លូវអូដឹមទំនប់កប់ស្រូវបានទាក់ខ្សែភ្លើង និងខ្សែកាបធ្លាក់វាយពេញផ្លូវ និងបណ្តាលឱ្យដួលរលំបាក់បង្គោលខ្សែភ្លើងអស់៤ដើម ព្រមទាំងទុស្សេខ្សែភ្លើងឆេះ
រាជធានីភ្នំពេញ ៖ រថយន្តបែនដឹកដី១គ្រឿងបានបើកចេញពីផ្លូវលំឡើងមកផ្លូវអូដឹមទំនប់កប់ស្រូវបានទាក់ខ្សែភ្លើង និងខ្សែកាបធ្លាក់វាយពេញផ្លូវ និងបណ្តាលឱ្យដួលរលំបាក់បង្គោលខ្សែភ្លើងអស់៤ដើម ព្រមទាំងទុស្សេខ្សែភ្លើងឆេះមួយបង្គោលបណ្តាលឱ្យមានភ្លើងឆាបឆេះទៀតផង តែត្រូវប្រជាពលរដ្ឋនៅម្តុំនោះប្រើបំពង់ពន្លត់អគ្គិភ័យជួយពន្លត់ទាន់ពេល ដែលហេតុការណ៍នេះកើតឡើងកាលពីវេលាម៉ោង១០យប់ ថ្ងៃទី៤ តុលា ២០១៥ នៅចំណុចផ្លូវលំ ស្ថិតក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ។
ក្រោយពេលកើតហេតុភ្លាមៗសមត្ថកិច្ចក៏ទៅដល់កន្លែងកើតហេតុ និងជួយអន្តរាគមន៍ហៅក្រុមអគ្គិសនីបិទភ្លើងដើម្បីកុំឱ្យបណ្តាលឱ្យបង្កគ្រោះថ្នាក់ដល់ប្រជាពលរដ្ឋនៅនោះ និងដេញតាមចាប់រថយន្តដឹកដីដែលបានរត់គេចនោះព្រោងព្រាតផងដែរ តែរថយន្តដឹកដីនោះនៅតែអាចរត់គេចបាត់ស្រមោលបាន ។
ប្រជាពលរដ្ឋដែលដឹងហេតុការណ៍នេះបានព្រលយប្រាប់«កោះសន្តិភាព»ឱ្យដឹងថា រឿងថាចាប់មិនបាននេះមិនគួរឱ្យជឿនោះទេ នេះប្រហែលជាសមត្ថកិច្ចត្រូវរ៉ូវគ្នាជាមួយរថយន្តដឹកដីនោះហើយមើលទៅបានជាដេញចាប់មិនបាន ឬក៏ដេញចាប់បានហើយបែរជាព្រលែងទៅវិញដោយទទួលបានលាភសក្ការៈពីរថយន្តដឹកដីនោះផងក៏មិនដឹង ៕
ចែករំលែកព័តមាននេះ