ខេត្តព្រៃវែង ៖ លោក ឡុង ស្រេង អនុប្រធានក្រុមការងារគណបក្សប្រជាជនកម្ពុជា ចុះពង្រឹងស្រុកកញ្ជ្រៀច ខេត្តព្រៃវែង និងជាប្រធានក្រុមការងារឃុំត្នោត ព្រមទាំងសមាជិក សមាជិកា និងក្រុមការងារ ឃុំត្នោតទាំងមូល
ខេត្តព្រៃវែង ៖ លោក ឡុង ស្រេង អនុប្រធានក្រុមការងារគណបក្សប្រជាជនកម្ពុជា ចុះពង្រឹងស្រុកកញ្ជ្រៀច ខេត្តព្រៃវែង និងជាប្រធានក្រុមការងារឃុំត្នោត ព្រមទាំងសមាជិក សមាជិកា និងក្រុមការងារ ឃុំត្នោតទាំងមូល បានចុះជួបសំណេះសំណាល សួរសុខទុក្ខប្រជាពលរដ្ឋចាស់ជរាដែលមានអាយុចាប់ពី៦០ឆ្នាំឡើងទៅប្រមាណ៧៦២នាក់ កាលពីរសៀលថ្ងៃទី៣ តុលា ២០១៥ ។
ក្រោមផ្ទៃមេឃកំពុងភ្លៀងរលឹមក្រុមការងាររបស់លោក ឡុង ស្រេង បានចុះទៅភូមិ៣ គឺមានភូមិខ្នាយកូវ ភូមិក្រឡាមាឃ និងភូមិតាជ ដើម្បីជួបសំណេះសំណាល និងសួរសុខទុកប្រជាពលរដ្ឋនៅតាមផ្ទះ ដែលទង្វើទាំងនេះគឺជាការយកចិត្តទុកដាក់ និងបណ្តាំផ្ញើពីសំណាក់ថ្នាក់ដឹកនាំកំពូល នៃគណបក្សប្រជាជនកម្ពុជា ដែលតែងតែ និងកំពុងអនុវត្តសកម្មភាពនេះជាប់ជានិច្ច ។
លោក ឡុង ស្រេង បានថ្លែងទៅកាន់ប្រជាពលរដ្ឋរស់នៅឃុំត្នោត ស្រុកកញ្ជ្រៀងថា ក្រុមការងារគណបក្សប្រជាជនកម្ពុជា ដែលពេលនេះក៏មានវត្តមានលោក សយ សុខ ប្រធានគណបក្សស្រុកចូលរួមដែរនេះ មិនបានព្រងើយកន្តើយចំពោះការរស់នៅ ស្នាក់អាស្រ័យ និងទុក្ខលំបាករបស់ប្រជាពលរដ្ឋណាម្នាក់នោះទេ ។ ក្រុមការងាររបស់គណបក្សប្រជាជនកម្ពុជាតែងតែនៅជាប់ជាមួយប្រជាពលរដ្ឋជារៀងរហូត ដោយមានប្រការនេះហើយបានធ្វើឲ្យប្រជាពលរដ្ឋស្រឡាញ់ គាំទ្រ និងជឿទុកចិត្តគោលនយោ បាយរបស់គណបក្សប្រជាកម្ពុជា ដោយមានសម្តេចតេជោ ហ៊ុន សែន ជានាយករដ្ឋមន្ត្រី កំពុងអភិវឌ្ឍន៍ប្រទេសជាតិរីកចំរើនគ្រប់វិស័យបច្ចុប្បន្ននេះ ។
បន្ទាប់ពីចប់កម្មវិធីសំណេះសំណាល និងរដូវនេះជារដូវបុណ្យភ្ជុំបិណ្ឌផងនោះ ក្រុមការងាររបស់លោក ឡុង ស្រេង មិនដៃទទេទេ គឺបាននាំយកនូវគ្រឿងឧបភោគបរិភោគ ព្រមទាំងថវិកាមួយចំនួនទៅចែកជូនបងប្អូនប្រជាពលរដ្ឋ ដើម្បីបាននិងអញ្ជើញទៅវត្តធ្វើបុណ្យប្រគេនដល់ព្រះសង្ឃ ឧទ្ធិសមគ្គផលដល់ញាតិសន្តានដែលបានចែកឋានទៅកាន់បរលោកខាងមុខ ។ អំណោយទាំងនោះរួមមាន ម្នាក់ៗទទួលបានស្ករស១គីឡូក្រាម ទឹកដោះគោ១កំប៉ុង ថវិការ១ម៉ឺនរៀល នេះចំពោះប្រជាពលរដ្ឋចាស់ជរាចំនួន៧៦២នាក់ ចំណែកនិវត្តជន១៥នាក់ក្នុងម្នាក់ទទួលបានថវិកា៥ម៉ឺនរៀល ទឹកក្រូច១កេស ស្ករស១គីឡូក្រាម និងទឹកដោះគោ១កំប៉ុង ៕
ចែករំលែកព័តមាននេះ