ខេត្តតាកែវ ៖ កាលពីព្រឹកថ្ងៃទី៣ តុលា កន្លងទៅនេះ លោកវរសេនីយ៍ទោ យុគ សារ៉ាត់ អធិការនគរបាលស្រុកគិរីវង់ បានចុះទៅចែកអត្តសញ្ញាណសញ្ជាតិខ្មែរជូនពលរដ្ឋ នៅឃុំព្រៃរំដេង ដែលពិធីនេះបានរៀបចំធ្វើឡើងនៅវត្តបពល
ខេត្តតាកែវ ៖ កាលពីព្រឹកថ្ងៃទី៣ តុលា កន្លងទៅនេះ លោកវរសេនីយ៍ទោ យុគ សារ៉ាត់ អធិការនគរបាលស្រុកគិរីវង់ បានចុះទៅចែកអត្តសញ្ញាណសញ្ជាតិខ្មែរជូនពលរដ្ឋ នៅឃុំព្រៃរំដេង ដែលពិធីនេះបានរៀបចំធ្វើឡើងនៅវត្តបពល ស្ថិតនៅភូមិបពល ដោយមានការចូលរួមពីលោកមេឃុំមោ ព្រមទាំងប្រជាពលរដ្ឋយ៉ាងច្រើនកុះករ ។
លោកមេឃុំព្រៃរំដេង បានឱ្យដឹងថា ថ្ងៃនេះ លោកអធិការនគរបាលស្រុកចុះមកចែកអត្តសញ្ញាណប័ណ្ណសញ្ជាតិខ្មែរដល់ពលរដ្ឋ នៅក្នុងឃុំដែលបានធ្វើរួចចំនួន៨៩៩សន្លឹក ដែលពលរដ្ឋចំនួន២១៥នាក់ (ស្រ្តី៩៥នាក់) តែមិនអីទេអ្នកមិនបានមក លោកនឹងប្រគល់ឱ្យនៅសាលាឃុំ ។
លោក យុគ សារ៉ាត់ បានផ្តាំផ្ញើដល់ពលរដ្ឋថា អត្តសញ្ញាណប័ណ្ណ១សន្លឹករបស់យើងមានតម្លៃខ្លាំងណាស់សម្រាប់សម្គាល់ពីជនជាតិខ្មែរ ដូច្នេះត្រូវរក្សាទុកឱ្យបានល្អ ពេលធ្វើដំណើរទៅណាមកណាត្រូវដាក់តាមខ្លួនជានិច្ច បើសិនជាបាត់ត្រូវប្រញាប់រាយការណ៍ទៅសមត្ថកិច្ចប៉ូលិសក្នុងមូលដ្ឋានជាបន្ទាន់ ៕
ចែករំលែកព័តមាននេះ