យើងខ្ញុំទាំងអស់គ្នាជាប្រជាពលរដ្ឋដែលរស់នៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ បានដាក់ពាក្យបណ្តឹងទៅលោកអភិបាលខណ្ឌមានជ័យរឿងសង់របងបិទផ្លូវសាធារណៈ
យើងខ្ញុំទាំងអស់គ្នាជាប្រជាពលរដ្ឋដែលរស់នៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ បានដាក់ពាក្យបណ្តឹងទៅលោកអភិបាលខណ្ឌមានជ័យរឿងសង់របងបិទផ្លូវសាធារណៈ និងធ្វើផ្ទះមិនស្របច្បាប់។
ក្នុងពាក្យបណ្តឹងចែងថា ឈ្មោះកែវ ឡាយ ភេទស្រី អាយុ៥៩ឆ្នាំ ដែលមានទីលំនៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ឱ្យវាយរបងដែលបានសង់បំពានកាត់ផ្លូវសាធារណៈបុកគ្រឹះ ធ្វើផ្ទះមិនស្របច្បាប់ប្រវែង១០ម៉ែត្រចោល និងឱ្យអ្នកផ្សេងទៀតវាយលូបញ្ឈរចេញពីផ្លូវ។
ពួកយើងខ្ញុំទាំងអស់គ្នាជាប្រជាពលរដ្ឋដែលរស់នៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញមិនសុខចិត្តពីទង្វើរបស់ឈ្មោះកែវ ឡាយ ដែលបានប្រព្រឹត្តខុសច្បាប់សាធារណៈធ្វើរបងលើផ្លូវសាធារណៈ បិទមិនឱ្យយើងទាំងអស់គ្នាដែលរស់នៅទីនេះមិនអាចប្រើប្រាស់ចេញ-ចូលបាន។
កន្លែងមួយទៀតមានអ្នកផ្សេងបានចាក់លូស៊ីម៉ង់ត៍បញ្ឈរបិទផ្លូវខាងលើមិនឱ្យយើងខ្ញុំធ្វើដំណើរបាន។
អាស្រ័យហេតុដូចបានជម្រាបជូនខាងលើសូមលោកអភិបាលខណ្ឌមេត្តាមានវិធានការដើម្បីឱ្យឈ្មោះកែវ ឡាយ និងអ្នកផ្សេងទៀតវាយរបងបិទផ្លូវ និងលូបញ្ឈរចេញពីផ្លូវសាធារណៈតាមច្បាប់៕
ចែករំលែកព័តមាននេះ