ខេត្តព្រះសីហនុ ៖ ជនសង្ស័យ៤នាក់ពាក់ព័ន្ធករណីរក្សាទុក ចែកចាយសារធាតុគ្រឿងញៀ.ន ត្រូវបានកម្លាំងជំនាញ នៃការិយាល័យប្រឆាំងបទល្មើសគ្រឿងញៀ.ន នៃស្នងការដ្ឋាននគរបាលខេត្តព្រះសីហនុ
ខេត្តព្រះសីហនុ ៖ ជនសង្ស័យ៤នាក់ពាក់ព័ន្ធករណីរក្សាទុក ចែកចាយសារធាតុគ្រឿងញៀន ត្រូវបានកម្លាំងជំនាញ នៃការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុ ធ្វើការឃាត់ខ្លួនបានកាលពីវេលាម៉ោង៣រសៀល ថ្ងៃទី៣ តុលា ២០១៥ នៅចំណុចក្រុម៧ ភូមិ៤សង្កាត់៤ ក្រុងព្រះសីហនុ ។
យោងតាមប្រភពពីលោកឧត្តមសេនីយ៍ទោ ជួន ណារិន្ឋ ស្នងការនគរបាលខេត្តព្រះសីហនុបានថ្លែងបញ្ជាក់ថា ជនសង្ស័យ៤នាក់(ស្រី២នាក់)ពាក់ព័ន្ធនឹងការជូញដូរ និងប្រើប្រាស់ថ្នាំញៀន ត្រូវបានចាប់ខ្លួនកាលពីវេលាម៉ោង៣រសៀល ថ្ងៃទី៣ តុលា ២០១៥ នៅក្នុងសង្កាត់៤ ក្រុងព្រះសីហនុ និងដកហូតបានថ្នាំញៀនប្រភេទមេតំហ្វេតាមីនចំនួន២៤,៨៨ក្រាម, ជញ្ជីងថ្លឹង១, ទូរស័ព្ទដៃ៣គ្រឿង និងវត្ថុតាងមួយចំនួនទៀត ។ ជនសង្ស័យដែលត្រូវចាប់ខ្លួនមាន ១-ឈ្មោះ បាន ជៀន ភេទប្រុស អាយុ៣០ឆ្នាំ, ២-ឈ្មោះ ណែម ស្រីម៉ៅ ភេទស្រី អាយុ២០ឆ្នាំ, ៣-ឈ្មោះ សុខ ស្រីអូន ភេទស្រី អាយុ២៩ឆ្នាំ និង ៤-ឈ្មោះ វី ប៊ុនធឿន ភេទប្រុស អាយុ១៩ឆ្នាំ ។
បច្ចុប្បន្ននេះជនសង្ស័យទាំង៤នាក់ និងវត្ថុតាងត្រូវបាននាំទៅកាន់ស្នងការនគរបាលខេត្តព្រះសីហនុដើម្បីសាកសួរ មុនពេលបញ្ជូនទៅតុលាការចោទប្រកាន់តាមច្បាប់ ៕
ចែករំលែកព័តមាននេះ