ភាពចំលែកតាមគេហទំព័រ You Tube បង្ហាញក្នុងអ៊ីនធើរណេត
ដោយ ៖ អប្សរា
ថ្ងៃចន្ទ ទី១៦ ខែសីហា ឆ្នាំ២០១០ ម៉ោង ១៥:៤០
សហការី
រូបភាពពីវីដេអូទី 1: http://www.youtube.com/watch?v=tLx1k3ykVxI
រាជធានីភ្នំពេញ ៖ ក្នុងរយៈពេលប៉ុន្មានសបា្តហ៍កន្លងមកនេះវីដេអូនៅក្នុងវេបសាយ របស់ You Tube បានបង្ហាញពីវត្ថុចំលែកពណ៌ក្រហមធ្លាក់មកពីលើមេឃ ដែលបង្កឱ្យមានការចាប់អារម្មណ៍ពីអ្នកនិយមស្រាវជ្រាវព័ត៌មាន តាមអ៊ីនធើរណេតរាប់ពាន់នាក់ ។ ក្នុងរូបភាពនោះបានបង្ហាញនូវអព្ភូតហេតុមិនគួរឱ្យជឿ ដែលបានកើតឡើងចំនួន៣លើកនៅកន្លែងផ្សេងៗគ្នា ។ ទោះបីជាយ៉ាងណា វាគ្រាន់តែជារូបភាពដែលបានបង្ហាញនៅក្នុងអ៊ីនធើរណេតប៉ុណ្ណោះ ប៉ុន្តែការពិតជាក់ស្តែងមិនមានការអះអាងណាមួយបញ្ជាក់ថា រឿងនេះកើតនៅពេលណា ឬកន្លែងណាឱ្យប្រាកដនោះនៅឡើយ តែអ្នកបានមើលរូបភាពពីវីដេអូនោះនិយាយថា នេះជាការបង្កើតរឿងហេតុដោយអ្នកបច្ចេកទេសកុំព្យូទ័រប៉ុណ្ណោះ ។
រូបភាពទី១ក្នុងគេហទំព័រ http://www.youtube.com/watch?v=tLx1k3ykVxI បានបង្ហាញពីយុវជន១ក្រុម ដែលកំពុងលេងកីឡាបាល់ទាត់ ស្រាប់តែឃើញវត្ថុពណ៌ក្រហមប៉ុនផ្លែដូងធ្លាក់ពីលើមេឃមក ហើយពួកគេនាំគ្នារត់ទៅមើលដល់កន្លែងកើតហេតុ ថែមទាំងយកដៃទៅប៉ះវត្ថុនោះទៀតផង ។ ក្នុងគេហទំព័រនេះបានបង្ហាញនូវចំនួនមនុស្សថា មានចំនួន៨.៩៥១នាក់ដែលបានបើកមើលរូបភាពនេះ ។ រូបភាពទី២ គឺក្រុមយុវជនមានស្រី ប្រុស ជាច្រើននាក់នាំគ្នាធ្វើពិធីជប់លៀងនៅមាត់សមុទ្រ ស្របពេលដែលពួកគេកំពុងសប្បាយរីករាយក្នុងពិធីនោះ ក៏ស្រាប់តែឃើញវត្ថុចំលែកដូចគ្នានោះធ្លាក់ពីលើមេឃមកដែរ ។
នេះជារូបភាពមាននៅក្នុងគេហទំព័រ http://www.youtube.com/watch?v=dObREb1I0vI ដែលមានមនុស្សចំនួន៧.៧៤៦នាក់បានបើកមើល ។ រីឯរូបភាពទី៣បង្ហាញពីយុវជន១ក្រុមកំពុងជួបជុំគ្នានៅកន្លែង មួយដែលមាន អ្នកខ្លះកំពុងនិយាយទូរស័ព្ទ អ្នកខ្លះកំពុងនិយាយសាសងគ្នាក៏ស្រាប់តែឃើញវត្ថុដដែលនេះធ្លាក់ មកពីលើមេឃដែរ ។ រូបភាពនេះបានបង្ហាញនៅក្នុងគេហទំព័រ http://www.youtube.com/watch?v=YYjPsc-j1yY ដែលមានមនុស្សចំនួន៥.២៩១នាក់បានបើកមើល ។ ទោះជាបែបណាក្តីនេះគ្រាន់តែជាព័ត៌មានបង្កឱ្យមានភាពភ្ញាក់ ផ្អើលក្នុងអ៊ីនធើរណេតប៉ុណ្ណោះ ។ សំរាប់ការពិតជាក់ស្តែងមិនមានប្រភពណាមួយបញ្ជាក់ច្បាស់លាស់នៅឡើយ ទេ ៕
