ខេត្តបាត់ដំបង ៖ ជនសង្ស័យម្នាក់ត្រូវកម្លាំងនគរបាលស្រុកកំរៀង ធ្វើការឃាត់ខ្លួនភ្លាមៗ បន្ទាប់ពីជននេះធ្វើសកម្មភាពយកប្រាក់ដុល្លារមួយចំនួនទៅប្តូរនៅក្នុងផ្សារកំរៀង តែដោយត្រូវគេធ្លាប់ដឹង ក៏បានរាយការណ៍ទៅនគរបាលឱ្យឃាត់ខ្លួនតែម្តង ដែលហេតុការណ៍នេះកើតឡើង កាលពីវេលាម៉ោង០៧ និង៣០នាទីយប់ថ្ងៃទី០៤ កញ្ញា ២០១៥ នេះ ស្ថិតនៅចំណុចភូមិអូរដា ឃុំបឹងរាំង ស្រុកកំរៀង ខេត្តបាត់ដំបង។
ប្រភពបានឱ្យដឹងថា ជនសង្ស័យឈ្មោះរ៉ន មូសា អាយុ៤៣ឆ្នាំ មានទីលំនៅក្នុងភូមិស្លាកកែត សង្កាត់ស្លាកែត ក្រុងបាត់ដំបង ។
ប្រភពបន្តថា បន្ទាប់ពីកម្លាំងនគរបាលឃាត់ខ្លួននោះ ក៏ឆែកឆេររកឃើញមានប្រាក់ដុល្លារក្លែងក្លាយរហូតដល់២.៩៥៦០ដុល្លារឯណោះ, ប្រាក់ចិនចំនួន៩ពាន់យាន់, លោហធាតុពណ៌លឿងចំនួន៦ខ្សែ តែមិនដឹងថា ពិតឬក៏ក្លែងក្លាយនោះទេ ហើយនិងប្រាក់ខ្មែរចំនួន២០ម៉ឺនរៀលទៀត ។
បច្ចុប្បន្ន ជនសង្ស័យជនសង្ស័យត្រូវបានកម្លាំងនគរបាលយកទៅធ្វើការសាកសួរ ដើម្បីរៀបចំបញ្ជូនទៅតុលាការ ។
ចែករំលែកព័តមាននេះ