អ្នកនំាពាក្យ ៖ ក្រុមហ៊ុនប្រេងនឹងឆ្លើយតបសំណើរបស់រាជរដ្ឋាភិបាលនៅថ្ងៃអង្គារក្រោយ
រាជធានីភ្នំពេញ ៖ រាជរដ្ឋាភិបាលបានស្នើឲ្យក្រុមហ៊ុនប្រេងឥន្ឋនៈទំាងអស់នៅក្នុងប្រទេសកម្ពុជាកំណត់យកយន្តការរលាស់ (បញ្ចុះនិងដំឡើងថ្លៃប្រេងតាមនិន្នាការទីផ្សារ
រាជធានីភ្នំពេញ ៖ រាជរដ្ឋាភិបាលបានស្នើឲ្យក្រុមហ៊ុនប្រេងឥន្ឋនៈទំាងអស់នៅក្នុងប្រទេសកម្ពុជាកំណត់យកយន្តការរលាស់ (បញ្ចុះនិងដំឡើងថ្លៃប្រេងតាមនិន្នាការទីផ្សារអន្តរជាតិឲ្យបានឆាប់) ក្នុងការកំណត់តម្លៃប្រេងឲ្យបានច្បាស់លាស់ ប៉ុន្តែសំណើនេះបានត្រូវតំណាងក្រុមហ៊ុនប្រេងយកទៅជជែកពិភាក្សាសិន ហើយនឹងឆ្លើយតបនៅថ្ងៃអង្គារទី០៨ កញ្ញាសបា្តហ៍ក្រោយ ។
នេះបើយោងតាមអ្នកនំាពាក្យក្រសួងពាណិជ្ជកម្ម លោក កែម រដ្ឋា ដែលបា្រប់គេហទំព័រកោះសន្តិភាពតាមទូរស័ព្ទនៅរសៀលថ្ងៃទី០៤ កញ្ញា ២០១៥។
បើតាមអ្នកនំាពាក្យដដែលលទ្ឋផលនៃកិច្ចប្រជុំរវាងក្រសួងពាណិជ្ជកម្មនិងតំណាងក្រុមហ៊ុនប្រេងកាលពីថ្ងៃទី០៣ កញ្ញា ២០១៥ ក្រុមហ៊ុនប្រេងបានលើកឡើងពីការលំបាកមួយចំនួនដូចជាបញ្ហាស្តុក ការឡើងចុះតម្លៃប្រេងឆៅលឿននៅលើទីផ្សារអន្តរជាតិ ខណៈក្រុមហ៊ុនបាននំាប្រេងឆ្អិនចូលពីប្រទេសសិង្ហបុរី ថៃនិងវៀតណាមជាដើម ។ យ៉ាងណាក៍ដោយ លោក កែម រដ្ឋា បានបញ្ជាក់ថា ក្រសួងពាណិជ្ជកម្មយល់ពីការលំបាកខ្លះៗរបស់ក្រុមហ៊ុន ប៉ុន្តែក្រសួងក៍ពិនិត្យមើលដែរអំពីបរិមាណនំាចូលជាច្រើនដង ហើយថាបញ្ហាស្តុកអត់មានបញ្ហាច្រើននោះទេ ។ លោកបន្តថាក្រុមហ៊ុនប្រេងក្នុងស្រុកលក់រាយមួយចំនួនបានបញ្ចុះតម្លៃប្រេងលឿនដូចជា SAVIMEX ជាដើម ប៉ុន្តែក្រុមហ៊ុនប្រេងអន្តរជាតិដែលលក់ដុំដូចជា CALTEX និង TOTAl គឺមានការលំបាកខ្លះៗ មិនទម្លាក់ថ្លៃលឿនដោយសារចង្វាក់ការងារធ្វើតាមស្តង់ដាអន្តរជាតិ (Standard) ។ ទោះជាយ៉ាងនេះក្តី បើតាមអ្នកនំាពាក្យក្រសួងពាណិជ្ជកម្ម យើងរង់ចំាការឆ្លើយតបតាមការសន្យារបស់ក្រុមហ៊ុននិមួយៗនៅថ្ងៃអង្គារសបា្តហ៍ក្រោយនេះ ។
ក្រុមហ៊ុនប្រេងបញ្ចុះតម្លៃអត់តាមទីផ្សារអន្តរជាតិ រាជរដ្ឋាភិបាលនឹងកោះប្រជុំ
គួរបញ្ជាក់ថា មកដល់ពេលនេះខណៈតម្លៃប្រេងឆៅនៅលើទីផ្សារអន្តរជាតិធ្លាក់ថ្លៃមកក្រោម៤០ដុល្លារក្នុងមួយបារ៉ែលនោះ តម្លៃប្រេងសំាងនៅក្នុងប្រទេសកម្ពុជាត្រូវបានគេមើលឃើញថា មានការទម្លាក់ថ្លៃយឺតដោយក្នុងនោះ តម្លៃប្រេងសំាងនៅស្ថានីយ៍ប្រេង CALTEX ស៊ុបពែ ៤១០០រៀល ធម្មតា ៣៨៥០រៀល ម៉ាស៊ូត ៣៦០០រៀល, TOTAL ស៊ុបពែ ៤១០០រៀល ធម្មតា ៣៨៥០រៀលនិងប្រេងម៉ាស៊ូត៣៦០០រៀល , TELA ស៊ុបពែ ៤១០០រៀល ធម្មតា ៣៨៥០រៀល ម៉ាស៊ូត ៣៦០០រៀល, PTT ស៊ុបពែ ៤១០០រៀល ធម្មតា ៣៨៥០រៀលនិងប្រេងម៉ាស៊ូត៣៦០០រៀល, SOKIMEX ស៊ុបពែ ៤១០០រៀល ធម្មតា ៣៨៥០រៀលនិងប្រេងម៉ាស៊ូត ៣៦០០រៀល និង ស្ថានីយ៍ប្រេង SVM (Savimex) ស៊ុបពែ៣៦០០រៀល ធម្មតា ៣៤០០រៀល និងប្រេងម៉ាស៊ូត២៨០០រៀល ៕
ចែករំលែកព័តមាននេះ