ខេត្តត្បូងឃ្មុំ ៖ រថយន្ត២គ្រឿងពន្លះគ្នាពេញទំហឹង ដោយរថយន្តសាំងយ៉ុងដាច់កងមុខកៀបអ្នកបើកបរជាប់ និងរថយន្តហ៊ីយ៉ានដាយចំណុះ៨តោន ដឹកបង្គោលរបងដាច់កង់ក្រោយក្រឡាប់កណ្តាលផ្លូវ កាលពីវេលាម៉ោង៤និង៣០នាទីរសៀលថ្ងៃទី៣ កញ្ញា ២០១៥ នៅលើកំណាត់ផ្លូវជាតិលេខ៧ ត្រង់ភូមិជីប៉េះ ឃុំមេមត់ ស្រុកមេមត់ ។ ជនរងគ្រោះត្រូវបានប្រជាពលរដ្ឋកន្លែងកើតហេតុនាំគ្នាជួយគាស់រថយន្ត ដើម្បីយកទៅសង្គ្រោះនៅមន្ទីរពេទ្យ ។
មន្ត្រីនគរបាលស្រុកមេមត់ បានឲ្យដឹងថា នៅមុនពេលកើតហេតុ រថយន្តសាំងយ៉ុងមិនមានពាក់ស្លាកលេខ បើកពីលិចទៅកើត ដោយប្រើប្រាស់ល្បឿនលឿនហួសកំណត់ លុះមកដល់ត្រង់ភូមិជីប៉េះ ឃុំមេមត់ យកចង្កូតមិនទាន់ជ្រុលទៅបុករថយន្តធំដឹករបងឈើ ដែលបើកបញ្ច្រាសទិសគ្នាពេញទំហឹងតែម្តង ។
មន្ត្រីដដែល បានបន្តថា រថយន្តសាំងយ៉ុងក្រោយពីបុកផ្លោងខ្ទាតទៅចញ្ចើមថ្នល់រងការខូចខាតយ៉ាងដំណំផ្នែកខាងមុខ និងកៀបអ្នកបើកបររថយន្ត ឈ្មោះ ខ្វាន់ ជីប៉ាវ ភេទប្រុស អាយុ១៩ឆ្នាំ រស់នៅភូមិការ៉ាសក្រោម ឃុំស្នួល ស្រុកស្នួល ខេត្តក្រចេះ ជាប់ក្នុងរថយន្តបាក់ជើងម្ខាង ភ្លាមៗនោះប្រជាពលរដ្ឋនាំគ្នាមកជួយគាស់រថយន្តទាញចេញ ។ ចំណែករថយន្តធំវិញរងការខូចខាតដាច់ភ្លៅក្រោយរបូតកង់រថយន្តចេញមកក្រៅ រីឯអ្នកបើកបរក៏បានរត់គេចខ្លួនបាត់មិនស្គាល់អត្តសញ្ញាណឡើយ ។
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ