ខេត្តបន្ទាយមានជ័យ ៖ មន្ត្រីនគរបាលស្រុកភ្នំស្រុកម្នាក់ បានស្លា.ប់ភ្លាមៗនៅនឹងកន្លែងកើតហេតុ ដោយសារតែគ្រោះថ្នាក់ចរាចរណ៍រវាងម៉ូតូបុកជាមួយម៉ូតូកាលពីវេលាម៉ោង៣និង៣០នាទីទៀបភ្លឺថ្ងៃទី៤ កញ្ញា
ខេត្តបន្ទាយមានជ័យ ៖ មន្ត្រីនគរបាលស្រុកភ្នំស្រុកម្នាក់ បានស្លាប់ភ្លាមៗនៅនឹងកន្លែងកើតហេតុ ដោយសារតែគ្រោះថ្នាក់ចរាចរណ៍រវាងម៉ូតូបុកជាមួយម៉ូតូកាលពីវេលាម៉ោង៣និង៣០នាទីទៀបភ្លឺថ្ងៃទី៤ កញ្ញា លើកំណាត់ផ្លូវលេខ២៦៨A ខាងជើងភូមិព្រៃមាន់ចម្ងាយ២៤០០ម៉ែត្រ ចំណុចស្ពានតាហឹង ក្នុងឃុំរហាល ស្រុកព្រះនេត្រព្រះ ។
លោកអនុសេនីយ៍ត្រី ភ្លឹង វិចិត្រ នាយផ្នែកសណ្តាប់ធ្នាប់ចរាចរណ៍ស្រុកព្រះនេត្រព្រះ បានឲ្យដឹងថា បុរសរងគ្រោះឈ្មោះ ម៉ាក់ កូឡាប អាយុ៥១ឆ្នាំ រស់នៅភូមិត្រពាំងថ្មកណ្តាល ឃុំប៉ោយចារ ស្រុកភ្នំស្រុក ជាមន្ត្រីនគរបាលស្រុកភ្នំស្រុក ។ ខណៈបុរសរងគ្រោះបើកម៉ូតូម៉ាកស៊ុយហ្ស៊ុយគីវីវ៉ា ធុនសេ១២៥ ពណ៌ខ្មៅ ពាក់ស្លាកលេខ ប.មានជ័យ1A.9331 ក្នុងទិសដៅពីជើងទៅត្បូង លុះមកដល់ចំណុចកើតហេតុមានម៉ូតូ១គ្រឿងទៀតម៉ាក CITY ពណ៌ឈាមជ្រូក គ្មានស្លាកលេខ បើកបញ្ច្រាសទិសគ្នា ពីត្បូងទៅជើង បានបុកជាមួយម៉ូតូមន្ត្រីនគរបាល បណ្តាលឲ្យនគរបាលរូបនេះខ្ទាតធ្លាក់ពីលើថ្នល់បែកក្បាល បាក់.កស្លាប់ភ្លាមៗនៅនឹងកន្លែងកើតហេតុតែម្តង។ ចំណែកម៉ូតូបង្កហេតុ បានបើកគេចខ្លួនបាត់ស្រមោល ។
ក្នុងករណីខាងលើនេះ សមត្ថកិច្ចនគរបាលបាននិងកំពុងស្រាវជ្រាវរកអ្នកបើកបរម៉ូតូបង្កហេតុម្ខាងទៀត ដើម្បីឲ្យចូលខ្លួនមកដោះស្រាយតាមនីតិវិធី ។
បើតាមការឲ្យដឹងពីមន្ត្រីនគរបាលស្រុកភ្នំស្រុកថា បុរសរងគ្រោះឈ្មោះ ម៉ាក់ កូឡាប ជាប់បេសកកម្មបើកម៉ូតូឡើងមកប្រជុំនៅខេត្ត តែជាអកុសល់ក៏ជួបឧប្បត្តិហេតុ គ្រោះថ្នាក់ចរចរណ៍បណ្តាលឲ្យស្លាប់ ។
សពបុរសរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារយកទៅចាត់ចែងរៀបចំធ្វើបុណ្យតាមប្រពៃណី ៕
ចែករំលែកព័តមាននេះ