សម្តេចតេជោ ហ៊ុន សែន រិះគន់តំណាងរាស្រ្តបក្សប្រឆាំងដែលចង់ឲ្យមានការផ្ទៀងផ្ទាត់ផែនទីនៅស្នាក់ការគណបក្ស
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន មានប្រសាសន៍ថា”មានសមាជិកគណបក្សសង្គ្រោះជាតិខ្លះ មិនមានការចំាបាច់ទាល់តែសោះ ហើយមិន
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន មានប្រសាសន៍ថា”មានសមាជិកគណបក្សសង្គ្រោះជាតិខ្លះ មិនមានការចំាបាច់ទាល់តែសោះ ហើយមិនមែនជាភារកិច្ចរបស់ពួកគេទេ នៅក្នុងប្រទេសមួយមានការបែងចែកមុខងារគ្នាច្បាស់លាស់ទំាងនីតិប្បញ្ញត្តិ ទំាងនីតិប្រតិបត្តិ ទំាងតុលាការ” ។
ដូច្នេះម្សិលមិញមានការលើករបស់តំណាងរាស្រ្តរបស់គណបក្សប្រឆាំង គឺខ្ញុំគិតថា ជាអំពើដែលមិនដឹងខ្យល់តែម្តង ព្រោះថាមិនមែនជារឿងត្រូវយកទៅផ្ទៀងផ្ទាត់ផែនទីនៅក្នុងស្នាក់ការគណបក្ស ឬក៍កន្លែងរដ្ឋសភាក៍អត់ដែរ ។
សម្តេចនាយករដ្ឋមន្រ្តីបន្តថា “នេះជារឿងមួយដែលគេហៅថា យើងនឹងដឹងមិនដល់ យើងមានការសោកស្តាយដោយសារតែជនជាតិខ្មែរដូចយើង ប៉ុន្តែបែរជាល្ងង់របៀបនេះ គឺយើងមានការសោកស្តាយទៅវិញ យើងចង់ឲ្យជនជាតិរបស់យើង ទោះបីថាគេជាបក្សប្រឆាំង ក៍ប៉ុន្តែគេគួរតែមានការច្បាស់លាស់និងយល់កិច្ចការលើសពីនេះ ប៉ុន្តែជាអកុសលគឺរឿងដេកមិនលក់ហើយធ្វើជាដេកលក់ បើនិយាយតាមមួយបែបគឺគ្មានអ្នកណាថ្លង់ជាងមនុស្សដែលមានត្រចៀកហើយមិនព្រមស្តាប់ ហើយគ្មានអ្នកណាងងឹតជាងមនុស្សដែលមានភ្នែក មិនព្រមមើលទេ គឺអស់ត្រឹមប៉ុណ្ណឹងហើយ ហើយប្រសិនមានបញ្ហាអ្វីតទៅទៀត ច្បាប់យើងមាន” ។ “ខ្ញុំបាននិយាយលើកមុនហើយ អត់មាន ភាសាផែនទីក្លែងក្លាយ អត់មានភាសានេះតទៅទៀតទេ ។ ការពិតយើងមានគ្រប់គ្រាន់អស់ទៅហើយ ប៉ុន្តែចាត់ទុកថា យើងបានបំភ្លឺចំពោះជនរួមជាតិកម្ពុជា ដើម្បីឲ្យយល់ កាន់តែច្បាស់ “។
សម្តេចតេជោ ហ៊ុន សែន មានប្រសាសន៍ទំាងស្រុងខាងលើនេះ បានធ្វើឡើងនៅព្រឹកថ្ងៃទី០៤ កញ្ញា ២០១៥ ក្នុងឱកាសសម្តេចប្រមុខរាជរដ្ឋាភិបាលអាណត្តិទី៥ ដឹកនំា សម័យប្រជុំពេញអង្គគណៈរដ្ឋមន្រ្តីនៅវិមានសន្តិភាព ៕
ចែករំលែកព័តមាននេះ