រាជធានីភ្នំពេញ ៖ ក្រុមជនសង្ស័យមួយក្រុមមានគ្នាប្រមាណ១០នាក់ក្នុងដៃប្រដាប់ដោយដំបង និងដាវសាមូរ៉ៃ បានធ្វើសកម្មភាពឆក់ទូរស័ព្ទមួយគ្រឿងពីបុរស៣នាក់ ពេលកំពុងជិះម៉ូតូធ្វើដំណើរក្រោមស្ពានអាកាសស្ទឹងមានជ័យបានសម្រេច ហើយក៏រត់គេចខ្លួនបាត់ស្រមោលអស់ ដែលហេតុការណ៍នេះកើតឡើងកាលពីវេលាម៉ោង១២ និង២០នាទីរំលងអធ្រាត្រឈានចូលថ្ងៃទី៤ កញ្ញា ២០១៥ ស្ថិតនៅចំណុចក្រោមស្ពានអាកាសស្ទឹងមានជ័យ ក្នុងសង្កាត់បឹងសាឡាង ខណ្ឌទួលគោក ។
ជនរងគ្រោះជាម្ចាស់ទូរស័ព្ទឈ្មោះហេង វាសនា អាយុ៣១ ឆ្នាំ ជាអាណិកជននៅកូរ៉េ ស្នាក់នៅភូមិទ្រា២ ក្នុងសង្កាត់ស្ទឹងមានជ័យ ខណ្ឌមានជ័យបានឱ្យដឹងថា នៅមុនពេលកើតហេតុ ពួកគេទាំង៣នាក់បានជិះម៉ូតូមកពីកម្មវិធីជួបជុំមិត្តភក្តិ ហើយជិះត្រឡប់ទៅផ្ទះវិញ ដោយបានធ្វើដំណើរតាមបណ្តោយផ្លូវក្រោមស្ពានអាកាសស្ទឹងមានជ័យ ខណៈមកដល់ចំណុចកើតហេតុ គេក៏បានកាន់ទូរស័ព្ទមួយគ្រឿងម៉ាក iPhone 6 Plus ពណ៌មាស លើកមកនិយាយ ស្រាប់តែពេលនោះ ជនសង្ស័យមួយក្រុមមានគ្នាប្រមាណ១០នាក់ ដែលពួនសំងំនៅក្រោមស្ពានអាកាសស្ទឹងមានជ័យនោះបានចេញមកឆក់យកទូរស័ព្ទពីខ្លួនពេលកំពុងអង្គុយលើកម៉ូតូស្ទើរតែដូល ។
ភ្លាមៗ ពួកគេក៏បានចុះទៅរកទូរស័ព្ទពីជនសង្ស័យមួយក្រុមនោះ តែដោយក្នុងដៃក្រុមជនសង្ស័យមានទាំងដំបង និងដាវសាំមូរ៉ៃ យកមកភ្ជង់គំរាម មិនឱ្យដេញតាមមិនចឹងពួកត្រូវជាមិនខាន ។
ចែករំលែកព័តមាននេះ