ឃាត់ខ្លួនជនសង្ស័យ៦នាក់ជាបក្សពួកចោរលួចកាណូតបាឡាស្មាច់នៅភូមិថ្នល់តាសែង
ខេត្តកំពង់ឆ្នាំង ៖ សមត្ថកិច្ចនគរបាលក្រុងកំពង់ឆ្នាំងសហការជាមួយសមត្ថកិច្ចនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានស្រាវជ្រាវ
ខេត្តកំពង់ឆ្នាំង ៖ សមត្ថកិច្ចនគរបាលក្រុងកំពង់ឆ្នាំងសហការជាមួយសមត្ថកិច្ចនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានស្រាវជ្រាវ
ខេត្តកំពង់ឆ្នាំង ៖ សមត្ថកិច្ចនគរបាលក្រុងកំពង់ឆ្នាំងសហការជាមួយសមត្ថកិច្ចនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានស្រាវជ្រាវ ឃាត់ខ្លួនជនសង្ស័យចំនួន៦នាក់ ជាជនជាតិវៀតណាម កាលពីព្រឹកថ្ងៃទី០៣ កញ្ញា ២០១៥ ដែលជនសង្ស័យទាំងនោះធ្វើសកម្មភាពលួចកាណូតបាឡាស្មាច់របស់ប្រជាពលរដ្ឋនៅភូមិថ្នល់តាសែង ឃុំស្វាយជ្រុំ ស្រុករលាប្អៀរ កាលពីយប់ថ្ងៃទី២៦ សីហា ២០១៥ ។
លោក ប៉ុល វុទ្ឋី ស្នងការរងទទួលបន្ទុកការិយាល័យកណ្តាលយុត្តិធម៌បានឱ្យដឹងថា ជនសង្ស័យទាំង៦នាក់នេះមាន ១-ឈ្មោះ ឡេ យ៉ាំងយូ អាយុ១៨ឆ្នាំ នៅស្រុកបរិបូរណ៌ ២-ឈ្មោះ ង្វៀង យ៉ាំងទៀង អាយុ២២ឆ្នាំ មានទីលំនៅមិនប្រាកដ ៣-ឈ្មោះ ឡេ យ៉ាំងសាវ អាយុ៣៣ឆ្នាំ , ៤-ឈ្មោះ ឡេ យ៉ាំងឡើយ អាយុ៣០ឆ្នាំ ៥-ឈ្មោះ ង្វៀង យ៉ាំងគេវ អាយុ១៧ឆ្នាំ និង៦-ឈ្មោះង្វៀង យ៉ាំងហួរ អាយុ៣៥ឆ្នាំ ទាំង៤នាក់នេះ ខ្លះនៅភូមិកណ្តាល ខ្លះនៅភូមិចុងកោះ ក្នុងសង្កាត់ផ្សារឆ្នាំង ក្រុងកំពង់ឆ្នាំងជាមួយគ្នា។
ក្រោយការចាប់ឃាត់ខ្លួនជនសង្ស័យ សមត្ថកិច្ចបានរឹបអូសយកវត្ថុតាងដែលក្រុមខាងលើបានធ្វើសកម្មភាពលួចពីប្រជាពលរដ្ឋមាន កាណូតបាឡាស្មាច់៥គ្រឿង ម៉ាស៊ីនបាឡា៤គ្រឿង អាំងវ៉ែទ័រឆក់ត្រី២គ្រឿង វិទ្យុ
ទាក់ទង១គ្រឿង អាគុយ២ និងឧបករណ៍សម្រាប់ជក់គ្រឿងញៀនមួយចំនួនទៀត ។
លោកស្នងរងរូបនោះរំឮកថា កាលពីយប់ថ្ងៃទី២៦ សីហា ២០១៥ មានករណីលួចកាណូតបាឡាស្មាច់របស់ប្រជាពលរដ្ឋនៅភូមិថ្នល់តាសែង ឃុំស្វាយជ្រុំ ពេលនោះលោកបានដាក់កម្លាំងចុះស្រាវជ្រាវមុខសញ្ញា ចាស់ដែលធ្លាប់លួច និងប្រើប្រាស់គ្រឿងញៀនកន្លងមកទើបបានដឹងថា ជនសង្ស័យទាំងនោះខ្លះលាក់ខ្លួននៅភូមិកំពង់ហៅ ឃុំកំពង់ហៅ ស្រុកកំពង់លែង ដោយបានពន្លិចកាណូតបាឡាស្មាច់ទៅក្នុងទឹកទន្លេនៅទីនោះ និងខ្លះទៀតមកលាក់ខ្លួននៅភូមិចុងកោះ ហើយក៏ឈានដល់ការចាប់ឃាត់ខ្លួនជាបន្តបន្ទាប់ ។
ជាងនេះទៅទៀត ក្រុមជនល្មើសខាងលើនេះ គឺជាបក្សពួកចោរលួចកាណូតបាឡាស្មាច់ដែលមានមេខ្លោង ឈ្មោះ ង្វៀង យ៉ាំងភឿក អាយុ៤២ឆ្នាំ មានប្រពន្ធឈ្មោះ ង្វៀង ធីឌៀប ជាមុខសញ្ញាចោរលួចយ៉ាងសកម្ម និងធ្លាប់ជាប់ពន្ធនាគារច្រើនដង ពេលនេះកំពុងរត់គេចខ្លួន បន្ទាប់ពីសមត្ថកិច្ចឆែកឆេរនិងរឹបអូសវត្ថុតាងជាច្រើនពីផ្ទះមេខ្លោងខាងលើ ក្នុងនោះមានទាំងគ្រាប់កាំភ្លើង អាកា៤៧ ចំនួន៨៦គ្រាប់ និងបង់ចំនួន៤ទៀតផង កាលពីថ្ងៃទី២៧ សីហា ២០១៥៕
ចែករំលែកព័តមាននេះ