រាជធានីភ្នំពេញ ៖ បុរសម្នាក់បានរត់ចោលម៉ូតូបន្ទាប់ពីបានបុកស្ត្រីម្នាក់កំពុងដើរឆ្លងថ្នល់ ដែលហេតុការណ៍នេះបានកើតឡើងកាលពីវេលាម៉ោង៧ និង៤០នាទីយប់ ថ្ងៃទី០៣ ខែកញ្ញា ឆ្នាំ២០១៥ នៅតាមបណ្តោយផ្លូវជាតិលេខ៣
រាជធានីភ្នំពេញ ៖ បុរសម្នាក់បានរត់ចោលម៉ូតូបន្ទាប់ពីបានបុកស្ត្រីម្នាក់កំពុងដើរឆ្លងថ្នល់ ដែលហេតុការណ៍នេះបានកើតឡើងកាលពីវេលាម៉ោង៧ និង៤០នាទីយប់ ថ្ងៃទី០៣ ខែកញ្ញា ឆ្នាំ២០១៥ នៅតាមបណ្តោយផ្លូវជាតិលេខ៣ ស្ថិតក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។
ប្រភពនៅកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់ជិះម៉ូតូស្កុបពី ពណ៌ស ស៊េរីឆ្នាំ២០១៥ ពាក់ស្លាកលេខ ភ្នំពេញ 1FB-0836 ក្នុងទិសដៅពីជើងទៅត្បូងក្នុងល្បឿនលឿនគួរសម ពេលមកដល់កន្លែងកើតហេតុក៏វាក់នឹងស្ត្រីម្នាក់ដើរឆ្លងថ្នល់ហើយបុកយ៉ាងពេញទំហឹង បណ្តាលស្ត្រីរងគ្រោះដួលបោកក្បាលទៅនឹងថ្នល់បែកមុខ បែកមាត់ រងបួសធ្ងន់ ចំណែកអ្នកបើកបរម៉ូតូមិនបាននៅដោះស្រាយគ្នានោះទេ បែរជារត់គេចខ្លួន ហើយទុកម៉ូតូចោលនៅកន្លែងកើតហេតុតែម្តង ។
ក្រោយពេលកើតហេតុ គេឃើញបងប្អូនសាច់ញាតិស្ត្រីរងគ្រោះបានមកដល់កន្លែងកើតហេតុ ហើយហៅរថយន្តសាមុយដឹកយកទៅសង្គ្រោះ ចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលចោមចៅ ដើម្បីដោះស្រាយគ្នានៅពេលក្រោយ ៕
ចែករំលែកព័តមាននេះ