ផឹកស៊ីឈ្លោះគ្នាបោកកែវផ្អើលពេញហាងបុប្ផារាជធានី
រាជធានីភ្នំពេញ ៖ តាមប្រភពព័ត៌មានបានឱ្យដឹងថា កាលពីវេលាម៉ោង១១ និង៥០នាទីយប់ថ្ងៃទី២ កញ្ញា មានជនប្រដាប់អាវុធមួយក្រុមចូលផឹកស៊ីក្នុងភោជនីយដ្ឋានបុប្ផារាជធានី
រាជធានីភ្នំពេញ ៖ តាមប្រភពព័ត៌មានបានឱ្យដឹងថា កាលពីវេលាម៉ោង១១ និង៥០នាទីយប់ថ្ងៃទី២ កញ្ញា មានជនប្រដាប់អាវុធមួយក្រុមចូលផឹកស៊ីក្នុងភោជនីយដ្ឋានបុប្ផារាជធានី ស្ថិតក្នុងភូមិទួលគោក សង្កាត់ទួលសង្កែ ហើយបង្កជាទំនាស់ឈ្លោះទាស់ទែងគ្នាបោកកែវក្នុងហាង និងផ្ទុះអាវុធ១គ្រាប់។ ទោះជាយ៉ាងណា សមត្ថកិច្ចមូលដ្ឋានអះអាងថា មិនមានផ្ទុះអាវុធទេ គ្រាន់តែឈ្លោះគ្នាបោកកែវប៉ុណ្ណោះ។
ប្រភពបានឱ្យដឹងទៀតថា មុនពេលកើតហេតុគេឃើញជនប្រដាប់អាវុធមួយក្រុមមានគ្នាជិត១០នាក់បានចូលផឹកស៊ីនៅភោជនីយដ្ឋានខាងលើ មួយសន្ទុះក្រោយមកស្រាប់តែទាស់សំដីគ្នាឯងហើយបោកកែវផ្អើលពេញហាង ដែលតាមសាក្សីថា មានផ្ទុះអាវុធ១គ្រាប់ធ្វើឱ្យភ្ញៀវដែលចូលផឹកស៊ី រួមទាំងស្ត្រីបុគ្គលិកក្នុងហាងផ្អើលរត់គេចខ្លួន។
ភ្លាមៗនោះសន្តិសុខបានបិទទ្វារហាង ហើយដេញអ្នកបង្កហេតុចេញទៅក្រៅ ពេលចេញទៅដល់ក្រៅហើយពួកគេបន្តទាស់គ្នានៅមុខហាងទៀត មួយសន្ទុះក្រោយមកក៏មានអ្នកមកអន្តរាគមន៍នាំជនបង្កទៅបាត់ ដោយមិនរំខានដល់សមត្ថកិច្ចទេ ។ ជនបង្កនោះត្រូវគេស្គាល់ថា ជាប៉ូលិសអន្តរាគមន៍ម្នាក់នៅខណ្ឌប្ញស្សីកែវ៕
ចែករំលែកព័តមាននេះ