ខេត្តបន្ទាយមានជ័យ ៖ កម្លាំងនគរបាលការិយាល័យប្រឆាំងគ្រឿងញៀ.នបានបញ្ជូនជនសង្ស័យម្នាក់ទៅសាលាដំបូងខេត្តបន្ទាយមានជ័យនាព្រឹកថ្ងៃទី០២ ខែកញ្ញា ឆ្នាំ២០១៥ ពាក់ព័ន្ធករណីជួញដូរនូវសារធាតុញៀនដោយខុសច្បាប់ ។
ខេត្តបន្ទាយមានជ័យ ៖ កម្លាំងនគរបាលការិយាល័យប្រឆាំងគ្រឿងញៀនបានបញ្ជូនជនសង្ស័យម្នាក់ទៅសាលាដំបូងខេត្តបន្ទាយមានជ័យនាព្រឹកថ្ងៃទី០២ ខែកញ្ញា ឆ្នាំ២០១៥ ពាក់ព័ន្ធករណីជួញដូរនូវសារធាតុញៀនដោយខុសច្បាប់ ។
លោកវរសេនីយ៍ទោ ធិន ស៊ិនដេត នាយការិយាល័យប្រឆាំងគ្រឿងញៀនបានឲ្យដឹងថា ជនសង្ស័យដែលត្រូវបានបង្ក្រាបចាប់ឃាត់ខ្លួនឈ្មោះ អ៊ុង មុនី ភេទប្រុស អាយុ៤០ឆ្នាំ ទីលំនៅមិនពិតប្រាកដ មានស្រុកកំណើតនៅភូមិភ្នំសំពៅ ឃុំភ្នំសំពៅ ស្រុកបាត់ដំបង ខេត្តបាត់ដំបង ។ ការចុះបង្ក្រាបនេះ សមត្ថកិច្ចបានធ្វើឡើងនៅវេលាម៉ោង៤ និង ១៥នាទីល្ងាច ថ្ងៃទី៣១ ខែសីហា ឆ្នាំ២០១៥ នៅចំណុចផ្លូវសាធារណៈ ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។ ជាមួយនឹងការចុះបង្ក្រាបនេះ សមត្ថកិច្ចបានធ្វើការដកហូតបានវត្ថុតាងថ្នាំញៀនប្រភេទមេតំហ្វេតាមីន ម្សៅក្រាមពណ៌ស ចំនួន៦០,៩ក្រាម រថយន្ត១គ្រឿង និងទូរស័ព្ទដៃ១គ្រឿង ។
ចំពោះលទ្ធផលដែលកម្លាំងជំនាញអនុវត្តបានទទួលជោគជ័យនេះ គឺដោយមានបទបញ្ជាយ៉ាងម៉ឺងម៉ាត់ពីលោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ និងជំរុញណែនាំផ្ទាល់ពីលោកវរសេនីយ៍ទោ ចាប សុផាប្ញទ្ធិ ស្នងការរងទទួលបន្ទុកការិយាល័យកណ្តាលនគរបាលប្រឆាំងបទល្មើស ព្រមទាំងការខិតខំប្រឹងប្រែងក្នុងការស៊ើបអង្កេត ស្រាវជ្រាវ របស់កម្លាំងនគរបាលការិយាល័យជំនាញ ទើបកម្លាំងនគរបាលជំនាញ និងកម្លាំងនគរបាលក្រុងសិរីសោភ័ណ ឈានដល់ការបង្ក្រាប និងចាប់ឃាត់ខ្លួនជនសង្ស័យជាមុខសញ្ញាជួញដូរនូវសារធាតុញៀនដោយខុសច្បាប់ម្នាក់នេះបាន ។
លោកនាយការិយាល័យបានបញ្ជាក់ថា ជនសង្ស័យឈ្មោះ អ៊ុង មុនី រួមទាំងវត្ថុតាង ត្រូវបានបញ្ជូនទៅសាលាដំបូងខេត្តបន្ទាយមានជ័យនៅព្រឹកថ្ងៃទី០២ ខែកញ្ញា ឆ្នាំ២០១៥នេះហើយ ដើម្បីចាត់ការតាមនិតិ វិធីច្បាប់ ៕
ចែករំលែកព័តមាននេះ