ខេត្តស្វាយរៀង ៖ សមត្ថកិច្ចនគរបាលខេត្ត បើកប្រតិបត្តិការបង្ក្រាបក្រុមជួញដូរគ្រឿងញៀ.ន ដោយចាប់បានមេខ្លោងម្នាក់ បក្ខពួក៤នាក់ទៀត និងដកហូតបានថ្នាំញៀនប្រភេទម៉ាទឹកកកចំនួន៥២កញ្ចប់តូច និង៤កញ្ចប់ធំ
ខេត្តស្វាយរៀង ៖ សមត្ថកិច្ចនគរបាលខេត្ត បើកប្រតិបត្តិការបង្ក្រាបក្រុមជួញដូរគ្រឿងញៀន ដោយចាប់បានមេខ្លោងម្នាក់ បក្ខពួក៤នាក់ទៀត និងដកហូតបានថ្នាំញៀនប្រភេទម៉ាទឹកកកចំនួន៥២កញ្ចប់តូច និង៤កញ្ចប់ធំ ព្រមទាំងសម្ភារវេចខ្ចប់ថ្នាំញៀនមួយចំនួនទៀត ។ ប្រតិបត្តិការនេះធ្វើឡើងអស់រយៈពេល៣០ម៉ោង ចាប់ពីវេលាម៉ោង១០ព្រឹកថ្ងៃទី១ រហូតដល់ថ្ងៃទី២ កញ្ញា ២០១៥ នៅក្រុងស្វាយរៀង ។
មន្ត្រីសមត្ថកិច្ចបានឱ្យដឹងថា ជនសង្ស័យទាំង៥នាក់ដែលចាប់ខ្លួនខាងលើនេះ មាន ១-ឈ្មោះ ភោគ សារ៉ាត់ ភេទស្រី អាយុ៥១ឆ្នាំ រស់នៅភូមិទួលអង្គប់ ស្រុកស្វាយទាប ទើបចេញពីពន្ធនាគារបាន៣ខែ (ជាមេខ្លោង) ២-ឈ្មោះ យស់ សៅ ភេទប្រុស អាយុ៣៣ឆ្នាំ រស់នៅក្នុងភូមិសាមគ្គី សង្កាត់ស្វាយតឿ ក្រុងស្វាយរៀង ៣-ឈ្មោះ សំ ស៊ីណាត ភេទប្រុស អាយុ៣៣ឆ្នាំ ៤-ឈ្មោះ ឡេង សុវណ្ណដារីកា ភេទស្រី រស់នៅក្នុងភូមិមេភ្លើង សង្កាត់ស្វាយរៀង ក្រុងស្វាយរៀង និង៥-ឈ្មោះ ម៉ៅ ចំរើន ភេទប្រុស អាយុ៣០ឆ្នាំ រស់នៅក្នុងភូមិចុងព្រែក សង្កាត់ស្វាយរៀង ក្រុងស្វាយរៀង ។
ជនសង្ស័យប្រុសស្រីទាំង៥នាក់ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ៕
ព័ត៌មានពិស្តារមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ