ខេត្តស្វាយរៀង៖ បុរសម្នាក់ត្រូវប្រជាពលរដ្ឋប្តឹងសមត្ថកិច្ចព័ទ្ធចាប់ខ្លួនបានកាលពីវេលាម៉ោង២រំលងអធ្រាត្រ ថ្ងៃទី២ កញ្ញា ២០១៥ នៅភូមិជប់ព្រីង ឃុំថ្មី ស្រុកកំពង់រោទ៍ បន្ទាប់ពីចូលលួចប្រាក់ប្រជាពលរដ្ឋចំនួន៣គ្រួសារជាបន្តបន្ទាប់យកប្រាក់បាន៣៦០.០០០រៀល។
បើតាមសមត្ថកិច្ចបានឲ្យដឹងថា ជនសង្ស័យឈ្មោះញ៉ យ៉ោម ភេទប្រុស អាយុ៣០ឆ្នាំ មុខរបរកម្មករបើកម៉ាស៊ីនច្រូតស្រូវ មានទីលំនៅភូមិគគ ឃុំអង្គរទ្រត ស្រុកស្វាយអន្ទរ ខេត្តព្រៃវែង ហើយបានមកស៊ីឈ្នួលបើកម៉ាស៊ីនច្រូតស្រូវនៅភូមិគោគព្រីង លុះពេលយប់ក៏ចេញដើរលបលួចចូលផ្ទះអ្នកស្រុកចំនួន៣ផ្ទះលួចបានប្រាក់ខ្មែរ៣សែនរៀល និងប្រាក់វៀតណាម៣សែនដុងស្មើ៦ម៉ឺនរៀល ត្រូវម្ចាស់ផ្ទះដឹងស្រែកឆោឡោផ្អើលពេញភូមិក៏នាំគ្នាដេញព័ទ្ធចាប់បានប្រគល់ឲ្យសមត្ថកិច្ចចាត់ការតាមនីតិវិធីច្បាប់ និងក៏សាងសំណុំរឿងបញ្ជូនមកកាន់ស្នងការនគបាលខេត្តចាត់ការបន្តនៅវេលាម៉ោង៤រសៀលនេះ៕
ចែករំលែកព័តមាននេះ