រាជធានីភ្នំពេញ ៖ រថយន្តកាមរីបាឡែនមួយគ្រឿង បើកក្នុងល្បឿនលឿន រួចក៏ជិះទៅបុកជាមួយម៉ូតូសណ្តោងរទេះលក់គុយទាវបណ្តាលឱ្យប្តី-ប្រពន្ធ និងកូនតូចរងរបួសធ្ងន់ទាំង៣នាក់ បន្ទាប់មករថយន្តបង្កបានបើករត់គេចខ្លួនបាត់ស្រមោល ដែលហេតុការណ៍នេះ កើតឡើងកាលពីវេលាម៉ោង០៤ និង១០នាទីទៀបភ្លឺ ស្ថិតនៅតាមបណ្តាយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែន
រាជធានីភ្នំពេញ ៖ រថយន្តកាមរីបាឡែនមួយគ្រឿង បើកក្នុងល្បឿនលឿន រួចក៏ជិះទៅបុកជាមួយម៉ូតូសណ្តោងរទេះលក់គុយទាវបណ្តាលឱ្យប្តី-ប្រពន្ធ និងកូនតូចរងរបួសធ្ងន់ទាំង៣នាក់ បន្ទាប់មករថយន្តបង្កបានបើករត់គេចខ្លួនបាត់ស្រមោល ដែលហេតុការណ៍នេះ កើតឡើងកាលពីវេលាម៉ោង០៤ និង១០នាទីទៀបភ្លឺ ស្ថិតនៅតាមបណ្តាយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ ។
ប្រភពបានឱ្យដឹងថា នៅមុនពេលកើតហេតុ ប្តី-ប្រពន្ធនិងកូនតូចម្នាក់ទៀត ដែលជាអ្នកលក់គុយទាវនៅតាមបណ្តោយផ្លូវ១៩៨៦នេះ នៅម៉ោងកើតហេតុខាងលើ ពួកគាត់បានរៀបចំអីវ៉ាន់ទៅផ្ទះដូចធម្មតា នៅពេលដែលពួកគាត់រៀបចំអីវ៉ាន់រួច ពួកគាត់ក៏នាំគា្នជិះទៅផ្ទះដោយជិះម៉ូតូសណ្តោងរទេះគុយទាវ ក្នុងទិសដៅពីកើតទៅលិច តែនៅពេលដែលពួកគាត់កំពុងតែធ្វើដំណើរភ្លាមៗនោះ ក៏មានរថយន្តកាមរីបាឡែនពណ៌ស្ករមួយគ្រឿង បើកក្នុងទិសដៅស្របគ្នាក្នុងល្បឿនលឿន បានទៅបុកនិងម៉ូតូសណ្តោងរទះគុយទាវនោះពីក្រោយយ៉ាងពេញទំហឹង បណ្តាលឱ្យរទះនោះក្រឡាប់ និងធ្វើឱ្យប្តីប្រពន្ធនិងកូនតូចរងរបួសធ្ងន់ទាំងបីនាក់ បន្ទាប់ពីរថយន្តកាមរីបាឡែនបានបង្ករហេតុ រួចក៏បើករថយន្តរត់គេចខ្លួនបាត់ស្រមោល។
ក្រោយពេលកើតហេតុ ជនរងគ្រោះទាំង៣នាក់ ត្រូវបានសមត្ថកិច្ចទំនាក់ទំនងទៅរថយន្តសាមុយឱ្យមកដឹកយកជនរងគ្រោះទៅមន្ទីរពេទ្យ ចំណែកម៉ូតូរទេះដែលបាក់បែកនោះ ត្រូវសមត្ថកិច្ចបានប្រមូលយកទៅរក្សាទុកឱ្យ។
ចែករំលែកព័តមាននេះ