សម្តេចតេជោ ហ៊ុន សែន ៖ កម្ពុជា ថៃ និងវៀតណាម ឯកភាពគ្នាបង្កើត”កញ្ចប់ទស្សនកិច្ចទេសចរណ៍”៣ខ្សែ
រាជធានីភ្នំពេញ ៖ យោងតាមគេហទំព័រសម្តេចតេជោ ហ៊ុន សែន ដែលបង្ហោះនៅប៉ុន្មាននាទីមុននេះបានឲ្យដឹងថា កម្ពុជា ថៃ និង វៀតណាមបានឯកភាពគ្នាបង្កើតជា
រាជធានីភ្នំពេញ ៖ យោងតាមគេហទំព័រសម្តេចតេជោ ហ៊ុន សែន ដែលបង្ហោះនៅប៉ុន្មាននាទីមុននេះបានឲ្យដឹងថា កម្ពុជា ថៃ និង វៀតណាមបានឯកភាពគ្នាបង្កើតជា”កញ្ចប់ទស្សនកិច្ចទេសចរណ៍”ចំនួន៣ខ្សែ ដើម្បីពង្រីកវិសាលភាពវិស័យទេសចរណ៍អោយកាន់តែទូលំទូលាយ និងទាក់ទាញដល់ភ្ញៀវទេសចរអន្តរជាតិ ។
បើតាមសម្តេចតេជោនាយករដ្ឋមន្រ្តី ”កញ្ចប់ទស្សនកិច្ចទេសចរណ៍”ចំនួន៣ខ្សែ នៅតាមច្រករបៀងទេសចរណ៍ភាគខាងត្បូងនៃប្រទេសទាំងបីក្នុងនោះរួមមាន ៖ -កញ្ចប់ទស្សនកិច្ចទី១ គឺទៅកាន់បាងកក រ៉ាយ៉ុង ត្រាត កោះកុង (កោះស្តេច) បូកគោ ព្រះសីហនុ កំពត បូកគោ កែប ភូគួក ហូជីមីញ។
-កញ្ចប់ទស្សនកិច្ចទី២ គឺទៅកាន់ បាងកក រ៉ាយ៉ុង ត្រាត កោះកុង (កោះស្តេច) ព្រះសីហនុ សៀមរាប
-កញ្ចប់ទស្សនកិច្ចទី៣គឺទៅកាន់ ហូជីមីញ ភូគួក កែប កំពត បូកគោ តាកែវ ភ្នំពេញ សៀមរាប។
ចំពោះភ្ញៀវទេសចរ គឺអាចជ្រើសរើសទិញកញ្ចប់ណាក៏បាន ហើយអាចធ្វើដំណើរកម្សាន្តទៅកាន់ប្រទេសចំនួន៣តែម្តង។ យើងសង្ឃឹមថាកញ្ចប់ទសន្សនកិច្ចទេសចរណ៍នេះ គឺជាជម្រើសទាក់ទាញដល់ទេសចរអន្តរជាតិច្រើនឡើងថែមទៀត ៕
ចែករំលែកព័តមាននេះ