ខេត្តកំពង់ចាម ៖ ក្រោមការចង្អុលបង្ហាញរបស់លោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត កម្លាំងក្រោមឱវាទបានតាមប្រមាញ់ចាប់ខ្លួនជាងជួសជុលម៉ូតូម្នាក់ឈ្មោះ ឃឹម កុសល
ខេត្តកំពង់ចាម ៖ ក្រោមការចង្អុលបង្ហាញរបស់លោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត កម្លាំងក្រោមឱវាទបានតាមប្រមាញ់ចាប់ខ្លួនជាងជួសជុលម៉ូតូម្នាក់ឈ្មោះ ឃឹម កុសល ហៅផើង ភេទប្រុស អាយុ៤០ឆ្នាំ កាលពីវេលាម៉ោង៣និង៣០នាទីរសៀលថ្ងៃទី៣១ សីហា ២០១៥ កន្លងទៅនេះ នៅភូមិគោកក្រៀម ឃុំវិហារធំ ស្រុកកំពង់សៀម ។
លោកវរសេនីយ៏ទោ សោម រស់ នាយការិយាល័យប្រឆាំងគ្រឿងញៀនខេត្ត បានឲ្យដឹងថា ដោយមានសេចក្តីរាយការណ៍ពីមូលដ្ឋានថា ជាងជួសជុលម៉ូតូខាងលើនេះលួចចែកចាយថ្នាំញៀននៅក្នុងភូមិរបស់ខ្លួន ទើបរូបលោកបានសុំគោលការណ៍ពីលោកស្នងការនគរបាលខេត្ត ដើម្បីដឹកនាំកម្លាំងចុះបង្ក្រាបជាបន្ទាន់ ។
ក្រោយពីចាប់ឃាត់ខ្លួនជនសង្ស័យ សមត្ថកិច្ចដកហូតបានថ្នាំញៀនក្រាមពណ៌សចំនួន១២៩កញ្ចប់តូច ព្រមទាំងសម្ភារមួយចំនួន ហើយបាននាំខ្លួនមកកាន់ស្នងការដ្ឋាននគរបាលខេត្តសួរនាំ ដើម្បីតាមចាប់បក្សពួកមួយចំនួនទៀត មកផ្តន្ទាទោសតាមច្បាប់ ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ