ក្រុមរដ្ឋអិុស្លាមបានចេញផ្សាយកាលពីថ្ងៃទី៣១ សីហា នូវវីដេអូមួយបង្ហាញសមាជិកជីវពលស៊ីអីុតអីុរ៉ាក់៤នាក់ត្រូវគេ ដុតសម្លាប់ទាំងរស់ ។
ទង្វើសាហាវបែបនេះត្រូវក្រុមរដ្ឋអិុស្លាមចាត់ទុកថាជាការសងសឹកក្រោយពីពួកស៊ុននីតត្រូវដុត សម្លាប់ដែរ ដោយពួកជីវពលជាសម្ព័ន្ធមិត្តរបស់រដ្ឋាភិបាលអីុរ៉ាក់ ។
វី ដេអូចុងក្រោយនេះត្រូវបានចាក់ផ្សាយតាមបណ្តាញអីុនធើរណេតរបស់ ពួកជីហាដបង្ហាញជនរងគ្រោះទាំង៤នាក់ ដែលជាសមាជិករបស់កងជីវពល HASHD SHAABI ត្រូវគេចងដៃ ចងជើងព្យួរឱ្យផុតពីដីមុនពេលគេដុតភ្លើងពីក្រោមខ្លួនពួកគេ ដើម្បីសម្លាប់ដែលមើលទៅគួរឱ្យអាណោចអាធ័មបំផុត ។
វីដេអូ បង្ហាញពីយុទ្ធជនរបស់ក្រុមរដ្ឋអិុស្លាមម្នាក់ដែលពន្យល់ថា ការដុតសម្លាប់មនុស្សទាំង៤នាក់នេះធ្វើឡើងជាការសងសឹកឱ្យបុរស ស៊ុននីតម្នាក់ដែលត្រូវពួកជីវពលស៊ីអីុតដុតសម្លាប់នៅជិតទីក្រុង ហ្គាម៉ា ត្រួតត្រាដោយក្រុមរដ្ឋអិុិស្លាម ហើយស្ថិតនៅចម្ងាយ៥០គីឡូម៉ែត្រពីទីក្រុងហ្វាល់លូចា ប្រមាណជា៥០គីឡូម៉ែត្រ ខាងលិចក្រុងបាដាដ និងថាជនស៊ុននីត៣នាក់ទៀតត្រូវដុតសម្លាប់ក្នុងខេត្តឌីយ៉ាឡា ភាគខាងកើតអីុរ៉ាក់ ។
វីដេអូឃ្លីបរយៈពេលជាង៥នាទីនេះ ក៏រួមបញ្ចូលឃ្លីបមួយបង្ហាញពីបុរសស៊ុននីតម្នាក់ត្រូវគេចាប់ចង ព្យួរលើភ្លើង ខណៈពួកជីវពលស៊ីអីុតនាំគ្នាមើល ។ យុទ្ធជនក្រុមរដ្ឋអិុស្លាមម្នាក់បិទមុខបង្ហាញខ្លួនក្នុងវីដេអូ និយាយថា ពេលនេះការសងសឹកកើតមានវិញ ។ យើងធ្វើបាបពួកគេ ដូចដែលពួកគេធ្វើបាបយើងដែរ ។ យើងដាក់ទោសពួកគេដូចពួកគេដាក់ទោសយើងដែរ ។ ជននេះពុំបញ្ជាក់ថា តើវីដេអូនេះថតនៅទីណាឡើយ ។
ទោះបីយ៉ាងណា ពួកជីវពលស៊ីអីុតផ្ទាល់គូសបញ្ជាក់ក្នុងវីដេអូមួយថា ពួកដែលត្រូវគេចាប់ដុតទាំងរស់៤នាក់នេះត្រូវចាប់ ដោយពួកយុទ្ធជនក្រុមរដ្ឋអិុស្លាមក្នុងឱកាសនៃបេសកកម្មមួយនា តំបន់ NEKHEIH ស្ថិតនៅចម្ងាយប្រមាណជា៤០០គីឡូម៉ែត្រពីទីក្រុងរ៉ាម៉ាឌី ទីប្រជុំជននៃខេត្តអានបារ ភាគខាងលិចអីុរ៉ាក់ ។
កងកម្លាំង សន្តិសុខអីុរ៉ាក់ និងពួកជីវពលស៊ីអីុតក្រុម HASHD SHAABI បានប្រយុទ្ធតតាំងចាប់តាំងពីច្រើនខែមកហើយ ដើម្បីដណ្តើមកាន់កាប់បណ្តាទីក្រុង និងភូមិគន្លឹះទាំងឡាយក្នុងខេត្តនេះ ដែលជាខេត្តធំជាងគេរបស់អីុរ៉ាក់ធ្លាក់ក្នុងដៃក្រុមរដ្ឋអិុស្លាម ដែលត្រួតត្រាដែនដីភាគច្រើននៃខេត្តអានបារ ហើយសាកល្បងរុលទៅរកក្រុងបាដាដ។
ការដុតសម្លាប់សមាជិក កងជីវពលស៊ីអីុតទាំងនេះនាំឱ្យគេនឹងឃើញដល់ការដុតសម្លាប់អ្នកបើក យន្តហោះជនជាតិហ្ស៊កដានីម្នាក់នៅស៊ីរី ដោយក្រុមរដ្ឋអិុស្លាម ពេលអ្នកបើកយន្តហោះនេះជាប់ក្នុងទ្រុងដែកមួយ ៕
ចែករំលែកព័តមាននេះ