រាជធានីភ្នំពេញ ៖ សាលាដំបូងរាជធានីភ្នំពេញ បានគ្រោងប្រកាសសាលក្រមលើសំណុំរឿងមេឃុំជ្រោយស្វាយ ស្រុកស្រែអំបិល ខេត្តកោះកុង ពាក់ព័ន្ធទទួលសំណូកក្នុងអំពើពុករលួយពីប្រជាពលរដ្ឋរកស៊ី ទិញលក់ដី ។
ជនត្រូវចោទដែលសាលាដំបូងរាជធានីភ្នំពេញ នឹងលើកមកប្រកាសសាលក្រមនៅថ្ងៃទី២៦ កញ្ញា ២០១៥ ខាងមុខ នេះមានឈ្មោះហាយ ស៊ីន ជាអតីតមេឃុំជ្រោយស្វាយ ស្រុកស្រែអំបិល ខេត្តកោះកុង ។
ដើមចមបណ្តាលឲ្យឈានទៅដល់ការប្រកាសសាលក្រមនោះ កាលពីថ្ងៃទី២៦ មិថុនា ២០១៥ អតីតមេឃុំហាយ ស៊ីន ត្រូវបានកំលាំងអង្គភាពប្រឆាំងអំពើពុករលួយធ្វើការឃាត់ខ្លួននៅក្នុងភោជនីដ្នានតារា ក្បែរអគារបុរីកីឡាសង្កាត់វាលវង់ខណ្ឌ៧មរា រាជធានីភ្នំពេញ ពេលទៅទទួលយកស្រោមសំបុត្រ ដែលក្នុងនោះមានទឹកប្រាក់ចំនួន៤.៣០០ដុល្លារអាមេរិក ពីលោកជំទាវម្នាក់ជាដើមបណ្តឹង ។
ខណៈពេលកំពុងទទួលយកស្រោមសំបុត្រដែលមានប្រាក់៤.៣០០ដុល្លារនោះក៏ត្រូវកំលាំងអង្គភាពប្រឆាំងអំពើពុករលួយចាប់ខ្លួនតែម្តងទៅ ដែលនោះអាចនិយាយបានថា ជាការរៀបចំគំរោងចាប់ខ្លួនមេឃុំជ្រោយស្វាយរួចទៅហើយ ព្រោះបើតាមព័ត៌មានថា មេឃុំរូបនោះខូចណាស់ និងល្បីល្បាញនៅស្រុកស្រែអំបិលរឿងស៊ីលុយកាក់ពីប្រជាពលរដ្ឋ និងអ្នករកស៊ីទិញលក់-ដី ពេលគេសុំចុះហត្ថលេខាម្តងៗ៕
ចែករំលែកព័តមាននេះ