ខេត្តបាត់ដំបង ៖ លោកអ៊ុក នួន អាយុ៥១ឆ្នាំ ជាអតីតទាហានខ្មែរក្រហមម្នាក់ ក្នុងចំណោមអតីតទាហានខ្មែរក្រហមចំនួន៣៥៥នាក់ ដែលមានក្នុងបញ្ជីឈ្មោះយោធិនពិការ ឬបាត់បង់សមត្ថភាពដោយសារសង្គ្រាមនៅស្រុកសំឡូត ។ ប៉ុន្តែគាត់មិនត្រូវបានគេទទួលបញ្ចូលឈ្មោះក្នុងក្របខណ្ឌយោធិនពិការ ដើម្បីទទួលបានប្រាក់បៀវត្ស និងប្រាក់ឧបត្ថមគោលនយោបាយរាជរដ្ឋាភិបាលទេ បើទោះជាក្រុមគណៈកម្មការបានពិនិត្យ និងវាយតម្លឺៃថា គាត់មានស្ថានភាពរបួសធ្ងន់ធ្ងរក្ដី ។
ក្នុងជំហ៊រញ័រចម្រប់ទប់ខ្លួនស្ទើរមិននឹង លោកអ៊ុក នួន បាននិយាយថា រូបលោកត្រូវបានអាជ្ញាធរមូលដ្ឋានចាត់បញ្ចូលទៅក្នុងបញ្ជីឈ្មោះយោធិនពិការ ក្នុងចំណោមយោធិនពិការសរុប៣៥៥នាក់ ដែលកាត់រំសាយចេញពីជួរកងទ័ព ដែលភាគច្រើនជាអតីតទាហានខ្មែរក្រហមនៅក្នុងស្រុកសំឡូត ។
លោកអ៊ុក នួន បន្តថា កាលពីថ្ងៃទី២៧ សីហា កន្លងទៅ ក្រុមគណៈកម្មការចម្រុះបានចុះពិនិត្យ និងវាយតម្លៃលើយោធិនពិការ ឬយោធិនបាត់បង់សមត្ថភាពទាំង៣៥៥នាក់ នៅឯទីបញ្ជាការតំបន់ប្រតិបត្តិការសឹកខេត្តបាត់ដំបង ដើម្បីបញ្ចូលឈ្មោះក្នុងក្របខណ្ឌយោធិនពិការទទូលប្រាក់បៀវត្ស និងប្រាក់ឧបត្ថម្ភគោលនយោបាយពីរាជរដ្ឋាភិបាល ។ ប៉ុន្តែរូបលោកដែលរងរបួស និងមានអំបែងគ្រាប់បែកជាប់ពេញខ្លួនរហូតដល់សព្វថ្ងៃនេះ ត្រូវក្រុមអ្នកវាយតម្លៃគ្រវីក្បាលមិនទទូលស្គាល់ទេ ថែមទាំងនិយាយថា «មិនធ្ងន់ធ្ងរ» ទៀត ។
រីឯអ្នកវះកាត់ពោះវៀនដុះខ្នែង ឬដាច់ម្រាមដៃ២ បែរជាក្រុមគណៈកម្មការវាយនេះចាត់ទុកថា ជាជនពិការ ហើយបញ្ចូលឈ្មោះក្នុងក្របខណ្ឌយោធិនពិការទៅវិញ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ