ខេត្តព្រះវិហារ ៖ ថ្មីៗនេះ ប្រជាពលរដ្ឋមួយចំនួននៅក្នុងស្រុកគូលែន បានរិះគន់ចោទមន្ត្រីសង្កាត់រដ្ឋបាលព្រៃឈើគូលែនថា បានបើកដៃឲ្យឈ្មួញដឹកជញ្ជូនឈើតាមរថយន្តយីឌុបធំៗយ៉ាងអាណាធិបតេយ្យ ។
ខេត្តព្រះវិហារ ៖ ថ្មីៗនេះ ប្រជាពលរដ្ឋមួយចំនួននៅក្នុងស្រុកគូលែន បានរិះគន់ចោទមន្ត្រីសង្កាត់រដ្ឋបាលព្រៃឈើគូលែនថា បានបើកដៃឲ្យឈ្មួញដឹកជញ្ជូនឈើតាមរថយន្តយីឌុបធំៗយ៉ាងអាណាធិបតេយ្យ ។
ប្រជាពលរដ្ឋមួយចំនួនដែលនិយាយសុំមិនឱ្យបញ្ចេញឈ្មោះ បានឱ្យដឹងនៅព្រឹកថ្ងៃទី៣០ សីហា ថា ពួកគាត់បានឃើញឈ្មួញ និងកម្មករជាច្រើននាក់បានលើកឈើជ្រាយជាច្រើនម៉ែត្រគូបដាក់លើរថយន្តយីឌុប កាលពីថ្ងៃទី២៩ សីហានេះ ស្ថិតក្នុងភូមិព្យួរជ្រូក ឃុំគូលែនជើង ស្រុកគូលែន ខេត្តព្រះវិហារ តែមិនឃើញមានមន្ត្រីជំនាញរដ្ឋបាលព្រៃឈើណាម្នាក់ឈរពិនិត្យ និងវាស់ឈើទាំងនោះ មុននឹងលើកឡើងលើរថយន្តនោះទេ ដោយឃើញតែក្រុមឈ្មួញ និងកម្មករជាច្រើនបានលើកឈើឡើងដោយសេរីមិនញញើតសមត្ថកិច្ចណាម្នាក់ឡើយ ។ ពលរដ្ឋដដែលបានបញ្ជាក់ទៀតថា ឈ្មួញដែលយកកម្មករជាច្រើននាក់លើកឈើឡើងរថយន្តនោះ ពួកគាត់ស្គាល់បានថា ជាក្រុមហ៊ុនឈ្មោះប្លូ ហេវិន ជាក្រុមហ៊ុនអភិវឌ្ឍដីសម្បទានសេដ្ឋកិច្ចមួយកន្លែង ស្ថិតក្នុងភូមិព្យួរជ្រូក ឃុំគូលែនជើង ស្រុកគូលែន ។ ពលរដ្ឋដដែលក៏បានសម្តែងការងឿងឆ្ងល់យ៉ាងខ្លាំងទៅលើការដឹកជញ្ជូនឈើយ៉ាងអានាធិបតេយ្យខាងលើនេះ ហេតុអ្វីមន្ត្រីជំនាញរដ្ឋបាលព្រៃឈើសង្កាត់គូលែន ធ្វើមិនដឹង និងមិនឃើញមកពិនិត្យមើលឈើទាំងអស់នេះមុននឹងលើកឡើងឡាន ឬមួយក៏សមត្ថកិច្ចជំនាញសង្កាត់រដ្ឋបាលព្រៃឈើគូលែន មានការឃុបឃិតជាមួយឈ្មួញ ទើបឈ្មួញទាំងនោះហ៊ានធ្វើបែបនេះ ?
ជុំវិញការចោទប្រកាន់នេះដែរ លោកឃាន ចាយ នាយសង្កាត់រដ្ឋបាលព្រៃឈើគូលែន នៅថ្ងៃទី៣១ សីហា នេះ បានឆ្លើយបដិសេធថា ខ្លួនបានចុះទៅពិនិត្យមើលទីតាំងលើកឈើរបស់ក្រុមហ៊ុនប្លូហេវិនខាងលើដែរ មិនដូចការចោទប្រកាន់ទេ តែដោយសារថ្ងៃក្តៅពេក លោកក៏បានចូលក្នុងរថយន្តទៅ ។
តាមការបញ្ជាក់យ៉ាងច្បាស់ពីមន្ត្រីខណ្ឌរដ្ឋបាលព្រៃឈើខេត្តព្រះវិហារ នៅព្រឹកថ្ងៃទី២៩ សីហា ២០១៥នេះ តាមច្បាប់ដឹកជញ្ជូនផល អនុផលព្រៃឈើស្របច្បាប់នោះ លុះត្រាតែក្រុមហ៊ុនណាមួយមានការរវាស់វែងឈើពីមន្ត្រីជំនាញរដ្ឋបាលព្រៃឈើនៅនឹងកន្លែងលើកឈើឡើងរថយន្តផ្ទាល់ ដើម្បីធ្វើកំណត់ហេតុឲ្យបានច្បាស់លាស់តាមការអនុញ្ញាតរបស់ខណ្ឌរដ្ឋបាលព្រៃឈើ ទើបជាឈើស្របច្បាប់ និងអាចដឹកជញ្ជូនចេញបាន បើពុំមានមន្ត្រីជំនាញណាម្នាក់ឈរវាស់វែងឈើមុននឹងលើកឡើងរថយន្តទេនោះ គឺជាឈើខុសច្បាប់ទាំងស្រុង ៕
ចែករំលែកព័តមាននេះ