ឆែកឆេរអាហារដ្ឋានរំចង់លក់សាច់សត្វព្រៃនៅក្រុងតាខ្មៅ
ខេត្តកណ្ដាល ៖ ព្រះរាជអាជ្ញាសាលាដំបូងខេត្តកណ្តាល លោក លឹម សុន្ថា កាលពីវេលាម៉ោង១០ និង៤៥នាទីព្រឹក ថ្ងៃទី៣១ សីហា ២០១៥ បានដឹកនាំកម្លាំងកងរាជអាវុធហត្ថខេត្ត និងក្រុង
ខេត្តកណ្ដាល ៖ ព្រះរាជអាជ្ញាសាលាដំបូងខេត្តកណ្តាល លោក លឹម សុន្ថា កាលពីវេលាម៉ោង១០ និង៤៥នាទីព្រឹក ថ្ងៃទី៣១ សីហា ២០១៥ បានដឹកនាំកម្លាំងកងរាជអាវុធហត្ថខេត្ត និងក្រុង
ខេត្តកណ្ដាល ៖ ព្រះរាជអាជ្ញាសាលាដំបូងខេត្តកណ្តាល លោក លឹម សុន្ថា កាលពីវេលាម៉ោង១០ និង៤៥នាទីព្រឹក ថ្ងៃទី៣១ សីហា ២០១៥ បានដឹកនាំកម្លាំងកងរាជអាវុធហត្ថខេត្ត និងក្រុង ចុះធ្វើការឆែកឆេរ អាហារដ្ឋានមួយន្លែង យីហោរំចង់ មានទីតាំងតាមបណ្តោយផ្លូវ២១ ស្របតាមមាត់ទន្លេបាសាក់ ស្ថិតក្នុងភូមិព្រែកសំរោង សង្កាត់និងក្រុងតាខ្មៅ ដោយឆែកឆេររកឃើញសត្វព្រៃជាច្រើនប្រភេទ។
លោកវរសេនីយ៍ទោ ទូច អ៊ីណាន មេបញ្ជាការរងកងរាជអាវុធហត្ថខេត្តកណ្តាលដែលចូលរួមក្នុងប្រតិបត្តិការនេះបានឲ្យដឹងថា ម្ចាស់ទីតាំងមានឈ្មោះ សុខ ហួង ភេទស្រី អាយុ៥១ឆ្នាំ រស់នៅទីតាំងហាងលក់សាច់សត្វព្រៃខាងលើ។
លោកបន្តទៀតថា ការឈានដល់ការឆែកឆេរទីតាំងខាងលើ គឺបន្ទាប់ពីមានប្រជាពលរដ្ឋ និងអ្នកចូលហូបចុកក្នុងអាហាដ្ឋាននោះរាយការណ៍ជាបន្តបន្ទាប់ថា មានលក់សាច់សត្វព្រៃច្រើនប្រភេទយូរមកហើយ ក៏ឈានដល់ការចុះឆែកឆេររកឃើញជាក់ស្តែងតែម្តង។
ក្រោយពីឆែកឆេរកម្លាំងកងរាជអាវុធហត្ថបានរកឃើញ សត្វព្រៃមួយចំនួនដូចជាសត្វអណ្តើករស់ចំនួន៥ក្បាល និងអណ្តើកងាប់ត្រៀមធ្វើម្ហូបចំនួន៦ក្បាល ពស់វែកធំចំនួន១ក្បាល និងសាច់សត្វត្រកួតហាន់ហើយចំនួន២គីឡូទៀត ។
សាច់សត្វព្រៃទាំងនោះ ត្រូវកម្លាំងកងរាជអាវុធហត្ថរកឃើញនៅនៅខាងក្រោយហាង ដែលម្ចាស់ហាងយកទៅលាក់ពេលសមត្ថកិច្ចទៅដល់។ ក្រោយពេលធ្វើការឆែកឆេររកនោះ កម្លាំងកងរាជអាវុធហត្ថ បានប្រគល់សាច់សត្វទាំងនោះទៅឲ្យខាងជំនាញរដ្ឋបាលព្រៃឈើ ចំណែកម្ចាស់ទីតាំងស្ត្រីឈ្មោះ សុខ ហួង ត្រូវបានឃាត់ដើម្បីធ្វើការសាកសួរតាមនីតិវិធី៕
ចែករំលែកព័តមាននេះ