លោក វ៉ា គឹមហុង ៖ ការបោះបង្គោលព្រំដែនគឺធ្វើទៅតាមផែនទីនិងMOU
រាជធានីភ្នំពេញ ៖ប្រធានគណៈកម្មាធិការចម្រុះព្រំដែនកម្ពុជា លោក វ៉ា គឹមហុង បានបញ្ជាក់នៅប៉ុន្មាននាទីមុននេះថា ” ការបោះបង្គោលព្រំដែនជាមួយប្រទេសជិតខាងគឺ
រាជធានីភ្នំពេញ ៖ប្រធានគណៈកម្មាធិការចម្រុះព្រំដែនកម្ពុជា លោក វ៉ា គឹមហុង បានបញ្ជាក់នៅប៉ុន្មាននាទីមុននេះថា ” ការបោះបង្គោលព្រំដែនជាមួយប្រទេសជិតខាងគឺរាជរដ្ឋាភិបាលធ្វើតាមផែនទី និងអនុស្សរណៈនៃការយោគយល់គ្នា (MOU) អត់ធ្វើតាមការនិយាយនៅលើមាត់នោះទេ ” ។
ការលើកឡើងរបស់លោកទេសរដ្ឋមន្រ្តីនារសៀលថ្ងៃទី៣០ សីហា ២០១៥នេះ ធ្វើឡើងបន្ទាប់ពីលោក សម រង្ស៊ី ពីទីក្រុងស៊ីដនីប្រទេសអូស្រ្តាលីបានលើកឡើងថា ” គណបក្សសង្គ្រោះជាតិជឿលើការលើកឡើងរបស់ប្រជាពលរដ្ឋខ្មែរនៅព្រំដែន ដែលថាដំណើរការនៃការបោះបង្គោលព្រំដែននោះ នំាឲ្យកម្ពុជាបាត់បង់ទឹកដី ” ។
លោក សម រង្ស៊ី បានបញ្ជាក់ទៀតថា “ គណបក្សសង្គ្រោះជាតិ យើងជឿប្រជារាស្រ្ត ប្រជាពលរដ្ឋរសើនៅតាមព្រំដែន ជាពិសេសកសិករខ្មែរ ពួកគាត់បាត់ដីស្រែដីចំការ ព្រៃឈើ ។ បើតាមលោក វ៉ា គឹមហុុង មកដល់ពេលនេះ គណៈកម្មាធិការចម្រុះព្រំដែនកម្ពុជា-វៀតណាម បានសម្រេចបោះបង្គោលព្រំដែនបាន៨៣%ហើយ ហើយការបោះបង្គោលព្រំដែននេះមិនធ្វើតាមការនិយាយនឹងមាត់នោះទេ ។ លោកប្រធានគណៈកម្មាធិការចម្រុះព្រំដែនក៍បានស្នើឲ្យលោក សម រង្ស៊ី យកផែនទីពីរផ្ទាំងដែលគណបក្សសង្គ្រោះជាតិមិនទាន់ប្រគល់មកឲ្យនោះ យកទៅប្រគល់ឲ្យក្រុមស្រាវជ្រាវផែនទីព្រំដែននៃរាជបណ្ឌិត្យសភាកម្ពុជា និងគណៈកម្មាធិការចម្រុះព្រំដែនកម្ពុជា ដើម្បីយកទៅផ្ទៀងផ្ទាត់ផងដែរ ៕
ចែករំលែកព័តមាននេះ