រាជធានីភ្នំពេញ ៖ មុខសញ្ញាចែកចាយថ្នាំញៀនយ៉ាងសកម្មម្នាក់ ត្រូវបានកម្លាំងនគរបាលប៉ុស្តិ៍ផ្សារដើមថ្កូវចាប់ឃាត់ខ្លួន និងដកហូតបានវត្ថុតាងមួយចំនួន កាលពីវេលាម៉ោង៩និង៣០នាទីព្រឹកថ្ងៃទី៣០ សីហា
រាជធានីភ្នំពេញ ៖ មុខសញ្ញាចែកចាយថ្នាំញៀនយ៉ាងសកម្មម្នាក់ ត្រូវបានកម្លាំងនគរបាលប៉ុស្តិ៍ផ្សារដើមថ្កូវចាប់ឃាត់ខ្លួន និងដកហូតបានវត្ថុតាងមួយចំនួន កាលពីវេលាម៉ោង៩និង៣០នាទីព្រឹកថ្ងៃទី៣០ សីហា ២០១៥ នៅផ្ទះគ្មានលេខមួយកន្លែង ច្រកចូលផ្លូវឌឿងហែម ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
មន្ត្រីនគរបាលប៉ុស្តិ៍ បានឱ្យដឹងថា បុរសជាជនសង្ស័យឈ្មោះ ម៉ៅ ហាប់ អាយុ៣២ឆ្នាំ មុខរបរនិងការស្នាក់នៅមិនពិតប្រាដក ត្រូវបានកម្លាំងនគរបាលចាប់ឃាត់ខ្លួនខណៈកំពុងធ្វើសកម្មភាពចែកចាយថ្នាំញៀននៅចំណុចខាងលើ ។ ចំណែកវត្ថុតាងដែលដកហូតបាន រួមមាន ថ្នាំញៀនប្រភេទម្សៅក្រាមពណ៌សថ្លាចំនួន១កញ្ចប់ធំ ម៉ូតូម៉ាកហុងដាឃ្លីក ពណ៌ផ្កាឈូកលាយខ្មៅ ពាក់ស្លាកលេខភ្នំពេញ១Q-៣០១៧ មួយគ្រឿង ទូរស័ព្ទ៣គ្រឿង រួមទាំងវត្ថុតាងមួយចំនួនទៀត ។
ជនសង្ស័យ និងវត្ថុតាងខាងលើ ត្រូវបាននគរបាលប៉ុស្តិ៍ធ្វើកំណត់ហេតុ និងបញ្ជូនទៅកាន់អធិការដ្ឋាននគរបាលខណ្ឌចំការមន ដើម្បីចាត់ការបន្តតាមច្បាប់ ៕
ចែករំលែកព័តមាននេះ