ស្មាស់និងសេ១២៥បុកគ្នានៅផ្លូវ៣៧១ របួសធ្ងន់ទាំងសងខាង
រាជធានីភ្នំពេញ ៖ បុរស២នាក់បានរងរបួសធ្ងន់ដោយសារជិះម៉ូតូបុកគ្នាកាលពីវេលាម៉ោង៧ និង១០នាទីយប់ ថ្ងៃទី២៨ សីហា ២០១៥ នៅតាមបណ្តោយផ្លូវ៣៧១ សង្កាត់បឹងទំពុន ខណ្ឌមានជ័យ ។
រាជធានីភ្នំពេញ ៖ បុរស២នាក់បានរងរបួសធ្ងន់ដោយសារជិះម៉ូតូបុកគ្នាកាលពីវេលាម៉ោង៧ និង១០នាទីយប់ ថ្ងៃទី២៨ សីហា ២០១៥ នៅតាមបណ្តោយផ្លូវ៣៧១ សង្កាត់បឹងទំពុន ខណ្ឌមានជ័យ ។
ប្រភពនៅកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់ជិះម៉ូតូ១គ្រឿងម៉ាក ស៊ុយហ្ស៊ុយគី ស្មាស់ ពណ៌ខ្មៅ ពាក់ស្លាកលេខ ភ្នំពេញ 1V-9613 ក្នុងទិសដៅពីលិចទៅកើត លុះដល់ចំណុចកើតហេតុស្រាប់តែរេចង្កូតទៅបុកគ្នាយ៉ាងពេញទំហឹងជាមួយម៉ូតូ១គ្រឿងទៀតម៉ាក ហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1AG-5020 បើកបរដោយបុរសម្នាក់ដូចគ្នា បណ្តាលឱ្យអ្នកបើកបរម៉ូតូទាំង២នាក់រងរបួសធ្ងន់ ហើយត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យឯកជន ។
ក្រោយពេលកើតហេតុ សមត្ថកិច្ចបានធ្វើការវាស់វែង និងយកម៉ូតូទាំង២គ្រឿងទៅរក្សាទុកនៅអធិការដ្ឋានខណ្ឌមានជ័យ ដើម្បីដោះស្រាយគ្នានៅពេលក្រោយ ៕
ព័ត៌មានលម្អិតនឹងផ្សាយជូននៅលើកាសែតកោះសន្តិភាព
ចែករំលែកព័តមាននេះ