រាជធានីភ្នំពេញ ៖ ជនរងគ្រោះម្នាក់បានស្លាប់ភ្លាមៗនៅកន្លែងកើតហេតុ ដោយសារជិះម៉ូតូទាក់ដៃចង្កូតជាមួយរថយន្តមួយគ្រឿង ហើយដួលចូលទៅក្រោមកង់រថយន្តក្រឡុកស៊ីម៉ង់ត៍កិនស្លាប់ភ្លាមមួយរំពេច ។ ហេតុការណ៍នេះកើតឡើងកាលពីវេលាម៉ោង៦ និង៣០នាទីព្រលប់ថ្ងៃទី២៨ សីហា ២០១៥ នៅចំណុចមុខហាងស៊ុបមួយកន្លែងយីហោ «វុទ្ធី មនោរម្យ ១១១» ស្ថិតនៅតាមបណ្តោយផ្លូ២៧១ សង្កាត់ផ្សារដើមថ្កូវ ខណ្ឌចំការមន ។
ប្រភពនៅកន្លែងកើតហេតុបានឱ្យដឹងថា ជនរងគ្រោះឈ្មោះ ចាន់ធី ភេទប្រុស អាយុប្រហែល៣០ឆ្នាំ ជិះម៉ូតូម៉ាកហុងដា ឌ្រីម សេ១២៥ ស៊េរីឆ្នាំ២០១៥ ពាក់ស្លាកលេខ ភ្នំពេញ 1CY-9667 ចំណែករថយន្តក្រឡុកស៊ីម៉ង់ត៍ដែលកិនជនរងគ្រោះស្លាប់នោះជារថយន្តរបស់ក្រុមហ៊ុន «Goldern BST concrete» ម៉ាក HINO ពាក់ស្លាកលេខ ភ្នំពេញ 5A-0798 ។
ប្រភពបានឱ្យដឹងទៀតថា បន្ទាប់កិនភ្លាម រថយន្តបានបើកហួសទៅមុខប្រហែល១៥ម៉ែត្រ បន្ទាប់មកអ្នកបើកបរក៏ឈប់រថយន្តហើយរត់គេចខ្លួនបាត់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ