រាជធានីភ្នំពេញ ៖ ថៅកែយានដ្ឋានម្នាក់រួមទាំងអ្នកលក់សំបកកង់ត្រូវបានកម្លាំងនគរបាលខណ្ឌសែនសុខស្រាវជ្រាវចាប់ខ្លួនបានជាបន្តបន្ទាប់
រាជធានីភ្នំពេញ ៖ ថៅកែយានដ្ឋានម្នាក់រួមទាំងអ្នកលក់សំបកកង់ត្រូវបានកម្លាំងនគរបាលខណ្ឌសែនសុខស្រាវជ្រាវចាប់ខ្លួនបានជាបន្តបន្ទាប់ កាលពីព្រឹកថ្ងៃទី២៧ សីហា ដោយពាក់ព័ន្ធទិញស្លាកលេខពីចោរលួចហើយយកទៅធ្វើកាតគ្រីក្លែងក្លាយពាក់លើរថយន្តអត់ពន្ទ។
ការឈានទៅឃាត់ខ្លួនថៅកែយានដ្ឋាននេះ បន្ទាប់ពីបងប្អូនម្ចាស់រថយន្តធុនត្រាបានប្រទះឃើញស្លាកលេខភ្នំពេញ 2AL7179 ដែលចោរលួចយកទៅពាក់លើរថយន្តម៉ាកឡិចស៊ីRX៣៥០អត់ពន្ធមួយគ្រឿង។
ជនសង្ស័យដែលត្រូវចាប់ខ្លួន១-ឈ្មោះឈុំ វណ្ណនី ភេទប្រុស អាយុ៣៤ឆ្នាំ ជាម្ចាស់យានដ្ឋានអត់យីហោមួយកន្លែងនៅតាមផ្លូវលេខ២០១១ ក្នុងភូមិគោកឃ្លៀង សង្កាត់ភ្នំពេញ ខណ្ឌសែនសុខ , ២-ឈ្មោះហំ ហេង ភេទប្រុស អាយុ៣០ឆ្នាំ ជាអ្នកលក់សំបកកង់ តាមផ្លូវលេខ២៧១ នៅមុខវិទ្យាល័យ ជាស៊ីមសាមគ្គី សង្កាត់បឹងសាឡាង ខណ្ឌទួលគោក។
ចំណែកអ្នកទិញរថយន្តដែលអត់ពន្ធពាក់ស្លាកលេខដែលចោរលួចនេះត្រូវសមត្ថកិច្ចឃាតខ្លួនដែរឈ្មោះ ស៊ា ណារិទ្ធ ភេទប្រុស អាយុ៣៥ឆ្នាំ មុខរបរបើករថយន្ត មានលំនៅភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ។
តាមព័ត៌មានឱ្យដឹងថា ស្លាកលេខភ្នំពេញ 2AL7179 ពាក់លើរថយន្តTUN DRA មួយគ្រឿងជាកម្មសិទ្ធឈ្មោះម៉ក់ ពីតូ ភេទប្រុស អាយុ៤៣ឆ្នាំ ជាស្នងការរងខេត្តព្រះវិហារ មានលំនៅខេត្តបន្ទាយមានជ័យ ត្រូវបានចោរលួចយកកាលពីយប់ថ្ងៃទី២៦ មីនា ២០១៥ ខណៈមកលេងបងប្អូនចតទុកក្នុងបូរីវ៉ារីណា សង្កាត់ភ្នំពេញថ្មី។
បន្ទាប់ពីលួចបានស្លាកលេខត្រូវបានជនសង្ស័យលក់ទៅឱ្យម្ចាស់យានដ្ឋាន ហើយបានឃុបឃិតគ្នាជាមួយជាងធ្វើកាតគ្រីពាក់លើរថយន្តម៉ាឡិចស៊ិសអ៊ែរអ៊ិច ៣៥០អត់ពន្ធមួយគ្រឿងរួចលក់ទៅឱ្យឈ្មោះស៊ា ណារិទ្ធ ហើយត្រូវបានបងប្អូនម្ចាស់រថយន្តដែលចោរលួចស្លាកលេខយកទៅប្រទះឃើញកាលពីវេលាម៉ោង៦ល្ងាច ថ្ងៃទី២៦ សីហា នៅសង្កាត់ផ្សារថ្មីទី១ ក៏ប្តឹងនគរបាលឃាត់ខ្លួនសាកសួររួចក៍ឈានទៅឃាត់ខ្លួនជនសង្ស័យជាថៅកែយានដ្ឋាន និងអ្នកធ្វើកាតគ្រីក្លែងក្លាយនៅក្នុងសង្កាត់បឹងសាឡាង ខណ្ឌទួលគោកតែម្តង។
តាមឈ្មោះ ស៊ា ណារិទ្ធ បានឱ្យដឹងថា រថយន្តនោះត្រូវបានខ្លួនទិញពីឈ្មោះហាក់ ដែលជាកូនជាងម្ចាស់យានដ្ឋានខាងលើក្នុងតម្លៃ១៨.០០០ដុល្លារ បូកទាំងថ្លៃធ្វើកាតគ្រីចំនួន៧៣០ដុល្លារទៀត ។
ចំណែកឈ្មោះហំ ហេង បានឱ្យដឹងថា ខ្លួនត្រូវបានម៉ូយទិញកង់រថយន្តឱ្យធ្វើកាតគ្រីឱ្យក្នុងតម្លៃ៣៥០ដុល្លារ គឺគាត់បានប្រាក់តែ៥០ដុល្លារតែប៉ុណ្ណោះ។ ទោះបីជាយ៉ាងណាសមត្ថកិច្ចកំពុងតែស្រាវជ្រាវរកអ្នកលក់រថយន្ត និងបក្សពួកទៀតដែលរួមគ្នាធ្វើកាត់គ្រីក្លែងក្លាយនេះ។
សូមបញ្ជាក់ថា កេងលុយពីប្រពន្ធទិញរថយន្តអត់ពន្ធ ទីបំផុតជាប់ចោទពីបទលួចស្លាកលេខ
ចែករំលែកព័តមាននេះ