ក្រុមចោរថ្លើមធំគាស់់ផ្ទះប្រជាពលរដ្ឋទាំងថ្ងៃយកលុយអស់៥ពាន់ដុល្លារ
ខេត្តឧត្តរមានជ័យ ៖ លំនៅឋានប្រជាពលរដ្ឋមួយគ្រួសារត្រូវបានក្រុមចោរថ្លើមធំហ៊ានចូលលួចគាស់ផ្ទះទាំងថ្ងៃដោយមិនខ្លាចញញើតសមត្ថកិច្ច
ខេត្តឧត្តរមានជ័យ ៖ លំនៅឋានប្រជាពលរដ្ឋមួយគ្រួសារត្រូវបានក្រុមចោរថ្លើមធំហ៊ានចូលលួចគាស់ផ្ទះទាំងថ្ងៃដោយមិនខ្លាចញញើតសមត្ថកិច្ច យកលុយបាន៥ពាន់ដុល្លារអាមេរិករួចចាកចេញទៅដោយសុវត្ថិភាពបង្កឱ្យមានការភ្ញាក់់ផ្អើលកាលពីវេលាម៉ោង២ និង៣០នាទីរសៀល ថ្ងៃទី២៧ សីហា ២០១៥ ស្ថិតក្នុងភូមិអូរចិញ្ជៀន ឃុំអន្លងវែង ស្រុកអន្លង់វែង។
យោងតាមសម្តីម្ចាស់ផ្ទះបានរៀបរាប់ថា មុនពេលកើតហេតុ ពួកគាត់ទាំង២នាក់ប្តីប្រពន្ធបានចេញទៅរកស៊ី ដោយបុរសជាប្តីរត់តាក់ស៊ីពីអន្លង់វែងទៅខេត្តសៀមរាប ចំណែកប្រពន្ធជាប់រវល់លក់ដូរគ្រឿងទេសនៅឯផ្សារ ដោយពុំមានអ្នកនៅផ្ទះទេ ។
រូបគាត់បានបញ្ជាក់ថា ពេលពួកគាត់វិលត្រឡប់មកលំនៅថានវិញស្រាប់តែឃើញបង្អូចត្រូវក្រុមចោរលួចគាស់ ភ្លាមៗនោះពួកគាត់ចូលទៅមើលលុយដុល្លារដែលទុកជាមួយសំលៀកបំពាក់នៅនឹងទូក្រណាត់ត្រូវក្រុមចោររើកកាយរប៉ាត់រប៉ាយពាសពេញផ្ទះទើបពួកគាត់រត់ទៅប្តឹងកងរាជអាវុធហត្ថស្រុកអន្លង់វែងឲ្យជួយធ្វើអន្តរាគមន៍។
លោកវរសេនីយ៍ទោងួន ទ្ធីរិទ្ធ មេបញ្ជាការអាវុធហត្តស្រុកអន្លង់វែងបានឲ្យដឹងថា បន្ទាប់ពីបានទទួលបណ្តឹងពីប្រជាពលរដ្ឋរងគ្រោះភ្លាមៗ លោកបានបញ្ជាកំលាំងអាវុធហត្ថចុះទៅដល់កន្លែងកើតហេតុបានឃើញលំនៅឋានខាងលើត្រូវក្រុមចោរធ្វើសកម្មភាពគាស់បង្អួចចូល រីឯសំលៀកបំពាក់ឃើញរប៉ាត់រប៉ាយមែន ហើយលោកបានសនិដ្ឋានថា ក្រុមចោនេះគឺមិនមែនជាអ្នកនៅឆ្ងាយទេ កំលាំងអាវុធហត្ថកំពុងតែធ្វើការស្រាវជ្រាវវែករកមុខក្រុមចោរដើម្បីនាំន្លួនមកចាត់ការទៅតាមផ្លូវច្បាប់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ