ខេត្តបាត់ដំបង ៖ សំណុំរឿងចោរគាស់ផ្ទះមន្ត្រីយោធាម្នាក់លួចយកទ្រព្យសម្បត្តិអស់គ្មានសល់នៅឃុំស្នឹង ស្រុកបាណន់ កាលពីអំឡុងខែកក្កដាកន្លងទៅ ដែលសមត្ថកិច្ចស្រុកនេះ បានព្យាយាមបិទបាំងមិនរាយការណ៍ជូនថ្នាក់លើនោះ ទំនងត្រូវបានលោកស្នងការខេត្តបញ្ជាឱ្យមន្ត្រីជំនាញចុះធ្វើការស៊ើបអង្កេតជាថ្មីហើយ ។ នេះបើតាមលោកជេត វណ្ណនី ស្នងការរងខេត្ត ដែលបានប្រាប់
ខេត្តបាត់ដំបង ៖ សំណុំរឿងចោរគាស់ផ្ទះមន្ត្រីយោធាម្នាក់លួចយកទ្រព្យសម្បត្តិអស់គ្មានសល់នៅឃុំស្នឹង ស្រុកបាណន់ កាលពីអំឡុងខែកក្កដាកន្លងទៅ ដែលសមត្ថកិច្ចស្រុកនេះ បានព្យាយាមបិទបាំងមិនរាយការណ៍ជូនថ្នាក់លើនោះ ទំនងត្រូវបានលោកស្នងការខេត្តបញ្ជាឱ្យមន្ត្រីជំនាញចុះធ្វើការស៊ើបអង្កេតជាថ្មីហើយ ។ នេះបើតាមលោកជេត វណ្ណនី ស្នងការរងខេត្ត ដែលបានប្រាប់កោះសន្តិភាព កាលពីថ្ងៃទី២៦ សីហា ២០១៥ ។
លោកជេត វណ្ណនី ស្នងការរងខេត្តមានប្រសាសន៍ថា សំណុំរឿងបទឧក្រិដ្ឋដែលជនមិនស្គាល់មុខគាស់ទម្លុះទម្លាយលួចទ្រព្យសម្បត្តិពលរដ្ឋនៅឃុំស្នឹង ស្រុកបាណន់កន្លងមក លោកស្នងការខេត្តមិនបានទទូលព័ត៌មាននេះទេ ។ ព្រោះសមត្ថកិច្ចស្រុកនេះមិនរាយការណ៍ ហើយបើគិតមកដល់ពេលនេះ គឺជាង១ខែហើយ ។ លោកថា ប្រជាពលរដ្ឋបានរាយការណ៍ប្រាប់លោកអំពីករណីនេះ ព្រោះតែមិនឃើញមានសមត្ថកិច្ចចាត់វិធានការណ៍លើជនសង្ស័យ ។ លុះលោកធ្វើការស្រាវជ្រាវ ទើបដឹងថា ករណីចោរគាស់ផ្ទះនៅឃុំស្នឹងនេះ ពិតជាមានមែន ហើយលោកក៏បានរាយការណ៍បន្តទៅលោកស្នងការខេត្ត ដើម្បីជ្រាបដែរ ។
លោកជេត វណ្ណនី បានបញ្ជាក់ថា លោកបានសួរនាំអំពីរឿងនេះ តែខាងអធិការស្រុកបានអះអាងថា បានសួរនាំជនរងគ្រោះ និងប្រមូលភស្ដុតាងបានមួយចំនួនផងដែរ តែបែរជាផ្អឹបសំណុំរឿងនេះ រហូតមិនរាយការណ៍ជួនលោកស្នងការទេ។ ប៉ុន្តែពេលនេះលោកស្នងការខេត្តបានបញ្ជាឱ្យបើកការស៊ើបអង្កេតជាថ្មី លើសំណុំរឿងនេះហើយ ព្រោះមន្ត្រីថ្នាក់ក្រោមសំងំស្ងៀមមិនកម្រើក ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ