ខេត្តកណ្ដាល ៖ ចោរប្លន់ប្រដាប់អាវុធមានគ្នា២នាក់បានធ្វើសកម្មភាពវាយសិស្សស្រីម្នាក់ប្លន់យកម៉ូតូស៊េរីទំនើប១គ្រឿងបានសម្រេច បន្ទាប់មកបានជិះគេចខ្លួនបាត់ដោយសុវត្ថិភាព បង្កឲ្យមានការភ្ញាក់ផ្អើលឆោឡោដល់កម្លាំងប៉េអឹមស្រុកអង្គស្នួលចុះទៅអន្តរាគមន៍ភ្លាមៗដែរ ប៉ុន្តែមិនបានប្រទះឃើញក្រុមចោរនោះឡើយ ។
ហេតុការណ៍នោះបានកើតឡើងកាលពីវេលាម៉ោង៩ និង១០នាទីព្រឹក ថ្ងៃទី២៦ សីហា ២០១៥ នៅតាមផ្លូវខ្នងប្រឡាយ ស្ថិតក្នុងភូមិព្រៃពួច ឃុំព្រៃពួច ស្រុកអង្គស្នួល ខេត្តកណ្ដាល។
ស្ត្រីរងគ្រោះត្រូវបានស្គាល់ឈ្មោះ ឡេង លីលី អាយុ១៩ឆ្នាំ ជាសិស្ស មានទីលំនៅក្នុងភូមិកើតហេតុខាងលើ ត្រូវបានចោរប្លន់យកម៉ូតូ១គ្រឿងម៉ាក ហុងដាឌ្រីមសេ ១២៥ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខភ្នំពេញ 1DJ-5929 និងទូរស័ព្ទដៃម៉ាកអាយហ្វូនហ្វាយមួយគ្រឿងផងដែរ។
ដោយឡែក ជនសង្ស័យដែលជាចោរប្លន់មានគ្នា២នាក់ សង្ស័យមានអាវុធខ្លី ប៉ុន្តែមិនបានដកភ្ជង់គំរាមស្ត្រីរងគ្រោះឡើយ គឺបានប្រើកណ្ដាប់ដៃវាយកណ្ដាលមុខនាង រួចដណ្ដើមយកម៉ូតូជិះគេចខ្លួនបាត់តែម្ដង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ