ក្រុងតូក្យូ ៖ ស្ថានភាពផ្លូវចិត្តរបស់អតិថិជនក្នុងប្រទេសជប៉ុនក្នុងការប្រកបជំនួញ ក៏ដូចជាការបណ្តាក់ទុនផ្សេងៗបានធ្លាក់ចុះពីអត្រា៤១,៧ពិន្ទុក្នុងខែមិថុនា មក៤០,៣ពិន្ទុក្នុងខែកក្កដា ។ តួលេខនេះគឺជាកម្រិតទាបបំផុតចាប់តាំងពីខែមករា ។ ការវាស់ស្ទង់សន្ទស្សន៍នៃភាពជឿជាក់របស់អតិថិជនដែលជាការរំពឹងទុកសម្រាប់៦ខែក្រោយ គឺស្ថិតលើកម្រិតពី០-១០០ពិន្ទុ ហើយពិន្ទុដែលខ្ពស់បំផុត គឺចង្អុលបង្ហាញឲ្យឃើញពីការឆ្លើយតបគ្រប់មជ្ឈដ្ឋានទៅនឹងការធ្វើឲ្យប្រសើរឡើងនូវស្តង់ដាជីវភាពរស់នៅរបស់ពួកគេ ។
លទ្ធផលសម្រាប់ខែកក្កដា បានឆ្លុះបញ្ចាំងឲ្យឃើញពីភាពកាន់តែយ៉ាប់យឺនដែលមានមូលដ្ឋានទូលំទូលាយ ស្របពេលដែលគ្រប់ផ្នែកបន្ទាប់បន្សំទាំងអស់បានធ្វើឲ្យអន់ថយនូវសន្ទស្សន៍ពិន្ទុនេះ ធៀបនឹងខែមុន ។ លក្ខខណ្ឌការងារដែលមានបទពិសោធន៍ជាកម្រិតធា្លក់ចុះធំបំផុតដែលតាមពីក្រោយដោយផ្នែកជីវភាពរស់នៅ និងភាពស្ម័គ្រចិត្តរបស់អតិថិជននៅក្នុងការទិញទំនិញដែលប្រើប្រាស់បានយូរ ។ ការថយចុះក្នុងកំណើននៃប្រាក់ចំណូល គឺកាន់តែស្ថិតក្នុងកម្រិតកណ្តាល ។ ស្របតាមលទ្ធផលនេះរដ្ឋាភិបាលបានបន្ទាបការប៉ាន់ប្រមាណមូលដ្ឋាននៃការជឿជាក់អតិថិជនរបស់ខ្លួនដោយលើកឡើងថា វាកំពុងតែធ្វើឲ្យបង្អាក់ដំណើរឆ្ពោះទៅមុខ ។
គណៈវិនិច្ឆ័យគេហទំព័រសេដ្ឋកិច្ចរបស់សហរដ្ឋអាមេរិកមួយបានព្យាករទុកដោយរំពឹងថាការប្រើប្រាស់ឯកជននឹងកើនឡើង០,៣% ក្នុងឆ្នាំ២០១៥ និង១,៣% ក្នុងឆ្នាំ២០១៦ ៕
ចែករំលែកព័តមាននេះ