សន្ទស្សន៍តម្លៃទំនិញប្រើប្រាស់របស់ចិនឡើងថ្លៃក្នុងខែកក្កដា
ក្រុងប៉េកាំង ៖ បណ្តាញព័ត៌មានចិនផ្សាយថា សន្ទស្សន៍តម្លៃទំនិញប្រើប្រាស់របស់ប្រទេសចិន ដែលជាគ្រឿងវាស់ស្ទង់កម្រិតអតិផរណាដ៏សំខាន់បានកើនឡើង១,៦% ក្នុងខែកក្កដា
ក្រុងប៉េកាំង ៖ បណ្តាញព័ត៌មានចិនផ្សាយថា សន្ទស្សន៍តម្លៃទំនិញប្រើប្រាស់របស់ប្រទេសចិន ដែលជាគ្រឿងវាស់ស្ទង់កម្រិតអតិផរណាដ៏សំខាន់បានកើនឡើង១,៦% ក្នុងខែកក្កដា ជាអត្រាខ្ពស់ដែលគេសង្កេតឃើញក្នុងឆ្នាំ២០១៥នេះ ។
ការិយាល័យស្ថិតិជាតិបានប្រកាសកាលពីថ្ងៃអាទិត្យនេះថា ចំពោះមូលដ្ឋានប្រចាំខែតម្លៃទំនិញប្រើប្រាស់បានកើនឡើង០,៣% ក្នុងខែកក្កដា ។ ចំណែកក្នុងអំឡុងពេល៧ខែដើមឆ្នាំកើនឡើងប្រមាណជា១,៣% ពីមួយឆ្នាំទៅមួយឆ្នាំ ។
អ្នកស្រង់ស្ថិតិរបស់ការិយាល័យសាមី លោកស្រី Yu Qiumei លើកឡើងថា ការកើនឡើងនៃសន្ទស្សន៍តម្លៃទំនិញប្រើប្រាស់ គឺផ្តោតជាសំខាន់ទៅលើតម្លៃសាច់ជ្រូកខ្ពស់ជាងមុន ។ រីឯតម្លៃផ្នែកសេវាថែទាំវេជ្ជាសាស្ត្រ (ពេទ្យ) បន្លែ អ្នកធ្វើការតាមផ្ទះ (គេហកិច្ច) ថ្នាំជក់ អប់រំក៏មានការឡើងថ្លៃដែរ ។
រដ្ឋាភិបាលចិនបានដាក់ទិសដៅនឹងរក្សាអតិផរណានៃទំនិញប្រើប្រាស់របស់ខ្លួនក្នុងរង្វង់៣%សម្រាប់ឆ្នាំ២០១៥នេះ ៕
ចែករំលែកព័តមាននេះ