ខេត្តកំពង់ធំ ៖ យុទ្ធភ័ណ្ឌមិនទាន់ផ្ទុះ៤គ្រាប់ត្រូវបានសមត្ថកិច្ចនគរបាលប៉ុស្តិ៍រដ្ឋបាលឃុំក្ដីដូង និងឃុំនីពេជ ស្រុកកំពង់ស្វាយ ខេត្តកំពង់ធំ ធ្វើការប្រគល់ជូនមន្ត្រីស៊ីម៉ាក់កាលពីថ្ងៃទី០៤ សីហា ២០១៥ បន្ទាប់ពីប្រជាពលរដ្ឋប្រទះឃើញ និងប្រមូលពីកន្លែងផ្សេៗនាពេលកន្លងមក ។
ខេត្តកំពង់ធំ ៖ យុទ្ធភ័ណ្ឌមិនទាន់ផ្ទុះ៤គ្រាប់ត្រូវបានសមត្ថកិច្ចនគរបាលប៉ុស្តិ៍រដ្ឋបាលឃុំក្ដីដូង និងឃុំនីពេជ ស្រុកកំពង់ស្វាយ ខេត្តកំពង់ធំ ធ្វើការប្រគល់ជូនមន្ត្រីស៊ីម៉ាក់កាលពីថ្ងៃទី០៤ សីហា ២០១៥ បន្ទាប់ពីប្រជាពលរដ្ឋប្រទះឃើញ និងប្រមូលពីកន្លែងផ្សេៗនាពេលកន្លងមក ។
ទាក់ទងករណីខាងលើ សមត្ថកិច្ចមូលដ្ឋានបានឲ្យដឹងថា គ្រាប់មិនទាន់ផ្ទុះប្រភេទ៦០ មីលីម៉ែត្រ១គ្រាប់, ៨០មីលីម៉ែត្រ១គ្រាប់, អឹម៧៩មួយគ្រាប់ និងបេ៤១មួយគ្រាប់ ត្រូវបានធ្វើការប្រគល់ជូនមន្ត្រីជំនាញដើម្បីធ្វើការកំទេចចោល ។ ដោយឡែកកាលពីថ្ងៃទី០៣ សីហា ២០១៥ ប្រជាពលរដ្ឋនៅភូមិឈើទាល់ និងភូមិព្រៃប្រស់ ស្រុកកំពង់ស្វាយ ក៏បានធ្វើការប្រគល់នូវយុទ្ធភ័ណ្ឌមិនទាន់ផ្ទុះដូចជា គ្រាប់បែក១គ្រាប់, មីន១គ្រាប់ និងគ្រាប់បេ៦៩មួយគ្រាប់ជូនដល់មន្ត្រីជំនាញដើម្បីធ្វើការកំទេចចោលផងដែ ។
ទាក់ទងការប្រមូលបានយុទ្ធភ័ណ្ឌមិនទាន់ផ្ទុះខាងលើនេះ សមត្ថកិច្ចមូលដ្ឋានក៏បានឲ្យដឹងថា គ្រាប់ទាំងអស់នេះគឺជាគ្រាប់សេសសល់ពីសង្គ្រាមព្រោះថា ភូមិសាស្ត្រស្រុកកំពង់ស្វាយក៏ជាអតីតសមរភូមិប្រយុទ្ធមួយក្នុងចំណោមសមរភូមិដទៃទៀតក្នុងខេត្តកំពង់ធំ ។ ហើយជារឿយៗយុទ្ធភ័ណ្ឌខ្លះក៏បានបង្កឲ្យប្រជាពលរដ្ឋរងគ្រោះស្លាប់បាត់បង់ជីវិត និងពិការភាពជាច្រើនផងដែ ។ ដូច្នេះដើម្បីបញ្ចៀសបាននូវបញ្ហាគ្រោះថ្នាក់ពិការ និងដល់អាយុជីវិតមនុស្ស និងសត្វ ក្នុងមូលដ្ឋាន សូមអំពាវនាវដល់ប្រជាជនទាំងអស់ត្រូវមានស្មារតីប្រុងប្រយ័ត្ន និងកុំប្រថុយប្រថាននៅពេលប្រទះឃើញអ្វីចម្លែក សូមរាយការណ៍ជូនសមត្ថកិច្ចនៅជិតបំផុត ៕
ចែករំលែកព័តមាននេះ