ខេត្តកំពង់ធំ ៖ រថយន្តបុកស័ររបស់ឈ្មួញដុះស្លែឈ្មោះ តា ដុង ត្រូវបានសមត្ថកិច្ចឃាត់ទាំងទើសទាល់ ដោយសារតែសកម្មភាពដឹកជញ្ជូនឈើដោយខុសច្បាប់បាននិងកំពុងធ្វើសកម្មភាពដូចទឹកបាក់ទំនប់ចេញពីក្នុងភូមិព្រះអាទិត្យ
ខេត្តកំពង់ធំ ៖ រថយន្តបុកស័ររបស់ឈ្មួញដុះស្លែឈ្មោះ តា ដុង ត្រូវបានសមត្ថកិច្ចឃាត់ទាំងទើសទាល់ ដោយសារតែសកម្មភាពដឹកជញ្ជូនឈើដោយខុសច្បាប់បាននិងកំពុងធ្វើសកម្មភាពដូចទឹកបាក់ទំនប់ចេញពីក្នុងភូមិព្រះអាទិត្យ ស្ថិតនៅក្នុងឃុំមានរិទ្ធ ស្រុកសណ្តាន់ ។
ទោះបីជារាជរដ្ឋាភិបាលប្រកាសឲ្យកងកម្លាំងទាំងអស់ចូលរួមទប់ស្កាត់បង្ក្រាបបទល្មើសការដឹកជញ្ជូនឈើដោយខុសច្បាប់យ៉ាងណាក៏ដោយ ក៏នៅតែមានក្រុមឈ្មួញមួយចំនួនបានឃុបឃិតគ្នាជាមួយសមត្ថកិច្ច បើកភ្លើងខៀវឲ្យឈ្មួញប្រព្រឹត្តបទល្មើសបានយ៉ាងរលូនដដែល ។
ប្រភពព័ត៌មាន បានឲ្យដឹងថា ជារៀងរាល់ថ្ងៃ គេសង្កេតឃើញមានការដឹកជញ្ជូនឈើដោយខុសច្បាប់ចេញពីចំណុចភូមិខោស និងភូមិព្រះអាទិត្យ ក្នុងភូមិសាស្ត្រទឹកដីស្រុក
សណ្តាន់ ក្នុងមួយថ្ងៃៗមានរថយន្តចាប់ពី១៥ទៅ២០គ្រឿង មានទាំងគោយន្តកាឡេថង រថយន្តបុកស័រ រថយន្តកូរ៉េ ចំណែកសមត្ថកិច្ច និងកម្លាំងផ្សេងៗមួយចំនួនទៀត ចងអង្រឹងដេកចាំយកលុយយ៉ាងរំភើយ ។
ជាក់ស្តែង រថយន្តបុកស័រមួយគ្រឿងដែលសមត្ថកិច្ច និងបរិស្ថានស្រុកសណ្តាន់បង្ក្រាបបាននេះ គឺជាកម្មសិទ្ធិរបស់ឈ្មួញឈើដុះស្លែឈ្មោះ តាដុង បានដឹកឈើប្រណីតប្រភេទឈើតាប់ ខណៈកំពុងធ្វើសកម្មភាពដឹកជញ្ជូនដោយខុសច្បាប់់ ដោយសារតែបែកការ និងចរចាលុយគ្នាមិនត្រូវ ទើបបណ្តាលឲ្យសមត្ថកិច្ចស្រុកសណ្តាន់ និងបរិស្ថានស្រុកបង្ខំចិត្តបង្ក្រាបទាំងទើសទាល់អូសយកមករក្សាទុកនៅផ្នែករដ្ឋបាលព្រៃឈើសណ្តាន់ ៕
ព័ត៌មានពិស្តារមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ